Larraitzek maiatzaren 1ean hartuko du Aralarko Larreen 21. Irekiera Festa
Aralarko Larre Irekiera Festa egingo da 21. aldiz Abaltzisketako Larraitz auzoan, maiatzaren 1ean, datorren asteartean. Aurten ia 19.000 buru larreratuko dira, horietatik 17.000 inguru ardiak, mila behi eta 700dik gora behor. «Behi kopurua igotzen ari da, eta zerbait gutxitzen ardiena», azaldu du Joxe Antonio Irastortza Enirio-Aralar Mankomunitateko basozainak.
Larreen egoerari buruz Irastortzak azaldu duenez, «32 urte badaramatzat langintza honetan, eta hain berandu belarra sortzen ez dut ikusi». Azken egunetan egindako beroek egoera dezente konpondu dutela gaineratu du: «Zenbait gune goxoetan eta txaboletatik hurbil, leku horietan jana hasi da». Gero, uda nola joaten den kontuan izan behar dela esan du basozainak: «Aurreko hiru urteak oso onak izan dira, udan zehar euri dezente egin du eta horrek ikaragarri balio du leku horietan».
Larre Irekiera Festari dagokionez, gogora ekarri du Irastortzak eguna nola hasi zen ospatzen: «Nahikoa lana eman zigun kontua izan zen mendiari hiru bat hilabeteko atsedena ematea lortzea, eta hori ospatzea eta horri zentzua ematea izan zen eguna antolatzen hastearena». Festa egun osoz luzatzen da, baina goizean izaten da mugimendu handiena, eta, besteak beste, hainbat postu izaten dira. Jakiak saltzen dituztenak gero eta eskari gehiago egiten dituztela dio Irastortzak. Bestalde, hainbat artisautza produktu izango dira salgai. Berritasun moduan, txapelak egiten ariko da artisau bat.
Aurten ere ekitaldia egingo dute iaz egin zen moduan. Bertan erakundeetako ordezkariek ere parte hartuko dute, eta ekitaldiarekin larreen kontserbazioa balioan jarri nahi da. Abeltzain bati ere omenaldia egingo zaio, eta gero une sinbolikoa izango da, Langaren Giltza eskualdatuz eta langa irekiz.
Ekitaldiaren ondoren, herri kirol saioak ikusmina sortuko du, orain gutxi Tolosako zezen plazan egindako apustuan izan ziren bi aizkolariak elkartuko baitira: Iker Vicente eta Arria V.a. «Horrelako erakustaldietan ere seguru irabaztea gustatzen zaiela, eta ahalegina egingo dute hori lortzeko, eta ikuskizuna emango dute lan horretan», esan du Irastortzak. Mikel Mendizabal eta Bixente Gorostidi bertsolariak ere ariko dira, eta ziurrenik aizkolariek eginbeharreko lanen artean abestuko dute. Bestalde, Joxe Ignazio Barberia abeslariak ere saioa eskainiko du.
Arratsalderako erromeria izango da, Larraizko Trikitixaren eskutik, Jesus Mujika eta Aitzol trikitilariekin. Arratsalde partean ere postu batzuk oraindik egongo direla dio Irastortzak, urrutiagotik etortzen direnak batez ere.
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.