Lapurdi eta Gipuzkoa arteko autobidearen blokeoa abiatu dute laborari asindikalek
A-8 autobideko ordainlekua 12:00etatik 16:00etara blokeatzeko helburua dute. Traktoreak iritsi dira Bidasoaren bi aldeetatik. Sindikatuen borrokari dagokionez, Arantza Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak hitzordu bat proposatu die ostiralerako EHNE, ENBA eta UAGA sindikatuei.
Whatsapp bidez antolatutariko laborariek ekintza berria abiatu dute ostegun goiz honetan. Ofizialki sindikatuetatik aparte kokatuz, "asindikal" gisa kokatzen diren laborari multzoak daude Hego zein Ipar Euskal Herrian, eta elkarrekin Gipuzkoa eta Lapurdi arteko autobidea blokeatzeko asmoa dute.
Whatsapp mezu bidez aritu dira laborariei –afiliatuak izan edo ez– gomitak bidaltzen, eta ikusteke dago zenbaten babesa jasoko duten. Kolapso "monumentala" aurreikusten dute antolatzaileek. Hitzordua 10:30ean jarri dute Irungo IAT gunean, hortik Biriatura joateko. Ipar Euskal Herrikoei dagokionez, taldean doaz A64 eta A63 autobideetara.
Ohar bidez azaldu dutenez, ultimatum bat helarazi nahi diete Europako Batasuneko, Frantziako eta Espainiako gobernuei: aldarrikapenei ez badiete erantzuten, ekainaren 1etik aitzina "mugarik gabe" mobilizatuko dira.
Sindikatuak ere mobilizaturik
Hego zein Ipar Euskal Herrian, mobilizaturik segitzen dute sindikatuek. UAGAk, eta Trebiñu eta Araba Landaren Alde Elkarteak deiturik, martxoaren 5az geroztik Eusko Jaurlaritzaren aitzinean baturik segitzen dute hamarnaka nekazarik, beti ere traktoreekin. Hitzordua Gasteiz kolapsatu zuten lehen traktoreetatik hilabetera egin dute. Aldundiaren partetik "aurrerapausoak" ikusi dituzte azken egunetan, besteak beste, lehen sektoreak 2023an aurreratutako BEZa hilabete honetan itzultzeko engaiamendua harturik. Gainera, Naiz-ek jakin ahal izan duenez, Arantza Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak hitzordu bat proposatu die ostiralerako EHNE, ENBA eta UAGA sindikatuei.
Arabako Foru Aldundiak, berriz, nekazaritza sektoreari laguntzeko bi deialdi onartu zituen martxoaren 5ean, eta guztira bost milioi euro inguruko zenbatekoa jarri du 2024rako, 2025erako eta 2026rako. Neurri horren bidez, nekazaritza eta abeltzaintza "modernizatu" nahi ditu instituzioak, "lehiakortasuna" eta "profesionalizazioa" hobetzeko asmoz. Sindikatuekin biltzekoak dira berriro ere, ondoko egunetan, aldarrikapen multzoaz solastatzeko intentzioarekin.
Nafarroako sindikatuek ere jarri dute hitzordua ostegun honetarako Iruñean. Hain justu, Nafarroako Aurrekontu Orokorrak onartzekoak dituzte eta bozketa eguna hautatu dute mobilizaziorako. Goizean parlamentura sartzen entseatu dira hamarnaka laborari, baina Poliziak bidea moztu die. Euskalerria Irratia-k jaso du bideoan:
?IKUSTEKOA| Tentsioa sortu da nekazari eta abeltzainak parlamentura sartu nahi izan dutelako Parlamentu barrura sartzen saiatzen ari dira: "Ez badigute sartzen uzten eta hitza hartzen, berriz saiatuko gara sartzen", esaten ari dira ahots ozenez.https://t.co/QIxSbPZcld
— Euskalerria Irratia (@fm983irratia) March 7, 2024
UAGA, EHNE Nafarroa eta EHNE Gipuzkoa martxoaren 19rako mobilizazio bat antolatzen dabiltza. Gasteizen jarri dute hitzordua.
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]