Lantoki eta elkarteetan euskara sustatzea, Euskaraldiaren erronketako bat
Euskaraldiaren bigarren edizioa azaroaren 20tik abenduaren 4ra egingo da. Lehen edizioan bezala, Belarriprest eta Ahobizi figurak izango dira protagonista, baina datorren urtean ahalegin berezia egingo da lantokietan euskaraz aritzeko guneak sortzeko.
Gehiago, gehiagorekin, gehiagotan lelopean egingo da bigarren edizioa, eta denetariko entitateen parte-hartze handiagoa bultzatzea izango da erronketako bat. "Ariguneak" sortuko dira horretarako, euskaraz aritzeko babesguneak, taldean jarduteko aukera eskainiko dutenak. Alegia, lehen edizioak banakako harremanak bazituen ardatz, bigarrenak taldekako ariketak ere jasoko ditu, euskararen erabilera sustatu aldera lantokietan, administrazio publikoan, kultur edota kirol taldeetan... Dena den, Ahobizi eta Belarriprest figurak izango dira oraingoan ere protagonista. Hala, iaz bezala, Euskaraldian parte hartuko duten herritarrek txapa bana eramango dute paparrean.
Asteazkenean Donostiako San Telmo museoan egindako aurkezpen ekitaldian hainbat erakundetako ordezkariek parte hartu dute. Bertan ziren, besteak beste, Euskaltzaleen Topaguneko lehendakari Kike Amonarriz, Eusko Jaurlaritzako Kultura eta Hizkuntza Politika sailburu Bingen Zupiria, Nafarroako Gobernuko Herritarrekiko Harremanetarako kontseilari Ana Ollo, eta Euskararen Erakunde Publikoko presidente eta Euskal Hirigune Elkargoko Hizkuntza Politika lehendakariorde Beñat Arrabit.
"Gehiago, gehiagorekin, gehiagotan". Datorren urteko azaroaren 20tik abenduaren 4ra gauzatuko dugu bigarren @euskaraldia. Indarrak bildu eta herritarrak aktibatzen hasteko unea da, ilusioz, elkarlanean eta kementsu. Sekulakoa izango da! #Euskaraldia https://t.co/TTXw9FGuhs
— Kike Amonarriz (@KikeAmonarriz) November 20, 2019
‘Gehiago, gehiagorekin, gehiagotan’. Horixe izango da #Euskaraldia-ren bigarren edizioaren helburua, bai norbanakoentzat bai entitateentzat.
Ahobizi, belarriprest eta ariguneak izango ditugu.
Urtebete barru hasiko da, baina aurreko (eta ondorengo) bidea ere funtsezkoa izango da pic.twitter.com/FKNljCSkiO
— Bingen Zupiria (@ZupiriaB) November 20, 2019
Gaur @kontseilua ordezkatuz @euskaraldia.ren aurkezpenean izan naiz. Olatua sortzeko prest. Gehiago, gehiagotan, gehiagorekin. pic.twitter.com/AJl32guCrq
— Paul Bilbao Sarria (@paulbilbao) November 20, 2019
Antolatzaileen ustez hizkuntza ohituretan eraginkorra da Euskaraldia eta horregatik laugarren edizioa ere antolatzen ari dira. Hori bai, aurrekoak udazkenean egin dira eta hurrengoa udaberrian izango da.
Euskaraldia bukatzear da lerro hauek idazten ditudan orduan, oraindik bukaera argazkiak eskas dira. Ez da dudarik ederrak izanen direla, besta handi batean hartutakoen antzekoak.
Bizkitartean, artoski irakurri ditut, hemen edo beste zenbait agerkaritan, ni baino adituagoak... [+]
Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]
Euskaraldiarekin batera, Goierri aldean Gipuzkoan beste ekimen batean ari dira egun hauetan: Hikaldia. Aittu euskara elkarteak antolatzen du, bikoteka aritzeko lehiaketa bezala. Hitanoz egiteko ariketa batzuk proposatu dira, eta audio bidez grabatu behar dituzte... [+]
Abenduaren 2a arte iraunen du Ahobizi-ak eta Belarriprest-ak protagonista dituen ekimenak. Antolatzaileek herritarrei gomita luzatu eta abiatzea ospatu zuten ostegun gauean Bilbon, Gasteizen, Donostian, Iruñean eta Baionan.
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Ariketa kolektibo bat egingo du Gazte Euskaltzaleen sareak azaroaren 14tik 18ra, gazteen artean euskaraz bizitzeko hautua bultzatzeko eta horretarako oztopo diren "egiturazko baldintzak" azaleratzeko.
Euskaltzaleen Topaguneak eta Euskaraldiak sortu dute EITB podkast atariarentzat Zapla! podkast berria. Hizkuntza ohiturak aldatu eta Euskarazko praktika linguistikoak indartzeko tresna da. Belarriprest eta Ahobizi guztientzat lagungarri izan nahi du produktu berriak,... [+]
Euskaraldia hasteko egun gutxi falta direla, koordinatzaileek gomendioak eman dituzte: rol bakoitzaren txapak erabili eta erronka zehatzak hartu. Kaleak berotzen hasteko ehunka ekitaldi antolatu dituzte Euskal Herri osoko herrietan.
2016an hasitako 40 egun euskaraz erronkari jarraituz, Euskaraldiarekin bat egingo du Euskara Maratoiak aurten. Bidea badakite: Sentitu, prestatu eta ekin!
Herritarrez gain, entitateei ere galdetua zaie parte-hartzea, haiena "arigune" izendatuz. Azaroaren 18tik abenduaren 2ra iraganen da hirugarren edizioa, "Hitzez ekiteko garaia" lelopean.
Euskararen normalizazioaren alde Korrikak berpiztutakoa Euskaraldiarekin segi behar dela gogorarazi dute ekimenaren aurkezpenean, eta herritarrei dei egin diete aktiboki parte hartzera, ahobizi eta belarriprest gisa ez ezik, antolakuntzan ere bai. Euskaraldian ere "hitzez... [+]