Lanpostu publiko bera bost urtez bete duten ordezkoak finko bilakatuko dira oposizioak egin gabe
Hego Euskal Herriko administrazio publikoko langileei eragingo die Ogasun Ministerioak, Unidas Podemosek, ERCk eta EAJk lortutako akordioak. Behin-behinekotasun tasa %40 ingurukoa da egun eta epe laburrean hori txikitzea da itunaren helburua.
Funtzio publikoko lanpostu berean bost urte edo gehiago daramaten ordezko langileek ez dituzte oposizoak egin beharko langile finko bihurtzeko; “merezimenduak” egiaztatzeko deialdi batera aurkeztu beharko dute, erakusteko euren lanpostuaren baldintzak betetzen dituztela. Ostegun iluntzean jakinarazi du hainbat hedabidek Espainiako Ogasun eta Funtzio Publikoko Ministerioak, Unidas Podemosek, ERCk eta EAJk hitzarmena egin dutela, administrazio publikoko behin-behineko tasa altua txikitzeko asmoz. Lege erreforma horrek balioko du enpresa, fundazio eta partzuergo publikoetan dihardutenentzat ere.
Hego Euskal Herriko langile publikoen ia %40 ez dira finkoak, eta azken urteetan oso oposizio deialdi gutxi egin dira. Itun horren bidez, datozen bost urteetan behin-behinekotasun tasa %8ra jaitsi nahi du Espainiak. Akordioan baldintza batzuk zehaztu dituzte: lanpostua bost urtez etenik gabe betetzea, 2016ko urtarrilaren 1az geroztik izatea, ezohiko neurria izatea, eta eskaera behin bakarrik egin ahal izatea. Gainera, administrazio bakoitzak arau eta baldintza propioak jarri beharko ditu.
Lege erreforma Espainiako Kongresuko batzordean eta osoko bilkuran onartu beharko dute, baina ituna adostu dutenen babesa nahikoa izango da gehiengoa lortzeko eta legeak aurrera egiteko.
Europako eskakizuna bete
Espainiako Kongresuan eztabaidatzen ari dira funtzio publikoko langileen egonkortze legeak, eta epe laburrean erregulatu nahi dute behin-behinekotasuna. Izan ere, ekainean Europako Justizia Auzitegiak Espainiako Gobernua ohartarazi zuen: lanpostu publikoetako behin-behineko kontratuak hiru urte baino gehiagoz luzatzea “neurriz kanpokoa” da auzitegiaren arabera. Espainiako araudiak jasotzen du oposizioak egin behar direla hiru urtetik behin, langileak finkatzeko, baina bereziki azken urteetan ez da hori bete. Orain, lege aldaketarekin Europaren eskakizuna bete nahi dute, eta 2024. urterako behin-behinekotasun tasa %8ra jaitsi.
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Urko Aierbe LABeko euskara idazkaria da. Haren ustez, EAEko sektore publikoa euskalduntzeko dekretua, Eusko Jaurlaritzak ostegunez onartu duena, administrazioa euskalduntzeko aukera galdua da. Dekretuaren hasierako zirriborroetatik orain onartu denera atzerapausoak... [+]
Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.
Euskararen normalizaziorako dekretu berria onartzekotan da Jaurlaritza, eta helburua da “euskara zigor eta oztopo gisa ez ikustea” lanpostu publikoetan. Neurrietako bat da hizkuntza eskakizuna lortzeko aukera izango dutela lanpostuan euskara “modu... [+]
Enplegu publikoko plazen %2 adimen desgaitasuna duten pertsonentzat gorde behar den arren, sarri ez da betetzen, eta oposizioak deitzerakoan aintzat har ditzatela eskatu dute: "Funtsezkoa da, konturatu gaitezen gizarte hau denona dela, ez gutxi batzuena".
Urriaren 25erako eta abenduaren 19arako egin dute deialdia. Sindikatuek salatu dute sektore publikoak "nabarmen" egin duela okerrera, baita bertako langileen baldintzek ere.
ELAk eta LABek akordioa adostu dute Eusko Jaurlaritzarekin, eta, besteak beste, justiziako gainontzeko langileekin parekatuko dituzte soldatak. Nafarroan grebak aurrera jarraituko du.
Osasun Publikoaren Aldeko Herri Plataformek deitutako mobilizazioek kaleak bete dituzte Gasteizen, Bilbon eta Donostian. "Osakidetzaren egoera larria" salatu, eta Gotzone Sagardui Eusko Jaurlaritzako Osasun sailburuaren dimisioa eskatu dute.
Espainiako Gobernuan Justizia Administrazioko antolakuntza aldatzeko legea tramitatzen ari dira, eta sindikatuek salatu dute langileak ez dituztela kontuan hartu. Apirilaren 17tik aurrera lanuzteak egingo dituzte goizero, eta apirilaren 19rako greba deitu dute.
Hernani bihurtu da Zero Zabor Hiri eta Herrien ziurtagiria lortu du Euskal Herriko lehen udalerria. Zero Waste Europe-k sortu eta Gobernuz Kanpoko Erakunde horren filiala den Mission Zero Academy (MiZA) erakundeak zuzendua, Zero Waste Cities and Towns ziurtagiriaren helburua da... [+]
Manlleu da Katalunian hondakinak biltzeko Atez Atekoa ezarrita daukaten udalerri ugarietako bat, handietakoa gainera bere 20.000 biztanleekin. Atez Atekoari esker gaikako bilketan % 82ra iritsita, udalak orain urrats berri bat jarriko du abian: sortzez besteko ordainketa... [+]
Urteko lehen astean Euskal Herriko Unibertsitateko eraikin guztiak itxirik izan dira. Ikasketarako liburutegirik ez. Hainbat kultur zentroren ordutegia, mugaturik. Batzuk gabon oporren luzaera eginaz, besteak urtearen nobedadea aurkeztuz. Astelehenetan itxirik mantenduko dira,... [+]
Ekarpen zehatzak egin dizkiote Eusko Jaurlaritza jorratzen ari den dekretuari. Bederatzi oinarri ezarri dituzte administrazio publikoa euskalduntzeko, “epe zehatz eta egingarrietan”. Herritarren hizkuntz eskubideak bermatzea dute helburu, erabiltzaile zein... [+]