Langileei iruzur egiten dien Darucama enpresa itxi dezatela eskatu dute Bilbon
ATH-ELE Etxeko Langileen Elkarteak deitu du elkarretaratzea, Darucama itxi dezatela eskatzeko. Langileei iruzur egiten dien enpresa da Darucama, eta Lan Ikuskaritza iruzurraren jakitun bada ere, enpresari ez diote jarduna eten. Horren froga gisa, langile batek azaroan Darucamarekin sinatutako kontratu bat aurkeztu dute Eusko Jaurlaritzako Lan eta Enplegu sailean, elkarretaratzea egin bitartean.
ATH-ELE Etxeko Langileen Elkarteak antolatuta, asteazkenean elkarretaratzea egin dute Eusko Jaurlaritzaren Bilboko egoitzaren ateetan, Darucama itxi dezatela eskatzeko. Salatu dutenez, kooperatiba faltsua da Darucama; Interneteko lan-eskaintzen bidez harrapatzen dute lan bila dabilen jendea, eta laneko egonkortasuna hitzematen diete kooperatibista gisa sinatuz gero. Baldintzak onartzen dituen langileari, DZFN ziurtagiri digitala eskatzen diote, eta behin hori eskutan, enpresak autonomo gisa ematen die alta langileei. Alegia, autonomo faltsu bilakatzen ditu, langileei kontsultatu gabe.
Prozesu horretan, langileek beren eskubideak galtzen dituzte: gutxieneko soldata, astean gehienez 40 orduko lan jarduna, atsedenak... Hori gutxi ez, eta ATH-ELE-k jakinarazi duenez, langileak lana utzi nahi dutenean mehatxu egiten die enpresak, zaintzen ari diren pertsonak abandonatzeagatik salaketa jarriko dietela esanez. "Errematea da laneko azken hilabetea ordaindu gabe uzten dutela", adierazi du elkarteak.
Darucama eta Cruz Azul, langileei iruzur egiteko sarea
Darucamak langileei iruzur egiteko sarea osatzen du Cruz Azul izeneko enpresarekin batera, zeinaren sorrerako estatutuetan Darucamaren atzean dagoen jendearen izenak ageri diren (Valentzian du egoitza batak zein besteak, baina Espainiako Estatuko hainbat txokotan jarduten dute). ATH-ELE-k "zaintza zerbitzuetako enpresa pirata" gisa definitu du Cruz Azul, eta El Salton irakur daitekeenez, zaintza zerbitzuek behar dituzten familiak erakartzea da bere eginkizuna. Behin Cruz Azulek bezeroak lortuta, Darucamako langileen zerbitzua eskaintzen zaie. Sevillako (Andaluzia) Etxeko Langileen Elkarteko (Asociación de Trabajadoras y Trabajadores del Hogar de Sevilla) kide Jaqueline Amayak El Salton azaltzen duenez, zerbitzuen eske jo duenak ordaintzen duenaren zati handiarekin geratzen dira bitartekariak: "Kasu batzuetan, langileak 800 euroko hileko soldata jasotzen du, familiak 3.000 euro ordaindu dituen bitartean". Eta ez hori bakarrik: zerbitzua kontratatu duten bezeroei baja emateko trabak jartzen dizkiete, baita zerbitzua bitartekaritzarik gabe kontratatzeko oztopoak jarri ere.
Hainbat dira Darucamatik pasa eta bertan bizitakoa salatu duten langileak. Ondorioz, azaroaren 7an Espainiako Estatuko etxeko langileen hainbat kolektibok Espainiako Lan Ministerioari bidalitako gutunean azpimarratzen denez, Lan Ikuskaritza iruzurraren jakitun da. ATH-ELE-k adierazitakoaren arabera, Lan Ikuskaritzak urtebetetik gora darama ebazpenetan gauza bera esaten: Darucama kooperatiba faltsua dela. Alabaina, martxan eta langileei iruzur egiten jarraitzen duela salatu dute, eta elkarretaratzea gauzatu bitartean, horren froga eraman dute Bizkaiko lan-adiskidetzeen zerbitzura: Darucamak azaroaren 30ean egindako lan kontratua.
Elkarretaratzearekin bat egin dute ondoko eragileek ere: Argilan-ESK, Argitan, Berri-Otxoak, CNT, ELA, EMF-Sociosanitarias Feministalde, Kakitzat, LAB, Munduko Emakumeak Babel, Steilas eta Trabajadoras No Domesticadas.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.