Protesta ugari eta garraio publikoan greba Ipar Euskal Herrian lan erreformaren aurka
Lana arautuko duen erreforma prest du Frantziako Gobernuak. Frantziako sindikatuek erantzun ezberdinak eman dizkiote erreformari, alabaina langileen gehiengoaren ordezkariak aurka daude. Langileriaren hainbat sektoreek mobilizatzera deitu dute goizdanik.
CGT, FO, FSU, Solidaires, UNEF eta UNL sindikatuek garraio publikoetan eta trenbideetan greba iragarri dute asteazkenerako. CFDT, CFE-CGC, UNSA, CFTC sindikatuek elkarretaratzeak antolatu dituzte Myriam El Khomri lan ministroaren martxoaren 12ko negoziazio bilera baino lehenago. Hauen ustez, ministroaren egitasmoaren pasarte batzuk "aldatzearekin" bat egin lezakete eta lege berria ontzat eman.
Erabat kontra dauden sektoreek diote legediak Medef patronalaren eta Nicolas Sarkozyren Republicains alderdi eskuindarraren aspaldiko eskaerak aintzat hartzen dituela. Legediaren asmoen arabera, lan egutegia eratzean, enpresa mailako akordioek azken hitza izanen dute, eta ez, gaur egun bezala, arlokako hitzarmen kolektiboek. Lan-aste ofizialak 35 ordukoa izaten jarraituko badu ere, lanaldia nabarmen malgutzen duten klausulak aurreikusten dira.
Horiek horrela, hiru urteko epean, batez beste 35 ordu lan egitea nahikoa izanen da lan jarduna errespetatutzat emateko eta aparteko ordurik sartu ez dela kontsideratzeko. Egun urtebetekoa da epe hori. Aparteko ordu horien ordainketan, soldata itun kolektiboetan zehaztutakoa baino %10 merkeago ordaintzeko aukera edukiko dute enpresek, baldin eta langileekin akordioa sinatzen badute.
Ipar Euskal Herrian sindikatuak fermu
Legedi berriak langileen kaleratzeak erraztuko dituela diote Ipar Euskal Herriko sindikatuek. Enpresako nagusiek begi onez eta kontent hartu dute egitasmoa. Adibidez, enpresa txiki eta ertaineko CGPME elkarteko buru George Strulluk hauxe erran du: "Eskaririk ezean kontratuak eteteko bidea jasotzen badu, Prud'homme-tako kalte-ordainak argitzen baditu eta malgutasun gehiago ekartzen badu, lan erreforma hau norabide onean garatuko da".
Sindikatuen esanetan "lanpostuak sortzeko modu horrek lan baldintzak kaskartzea ekarri du. Lan kontratu mota hori onartezina da". Enpresariek berriz, "euren helburua lanik ez dutenei lana ematea" dela argudiatzen dute. Sindikatuek berriz, "enpresariarentzat kontua da langilea kontratatzea enpresa arriskuan jarri gabe".
Tokiko sindikatuak haserre daude. CGTko kide Jean-François Mentaberrik dioenez: "George Strullu gezurretan ari da. Norabide horretan egindako aurreko erreformek helburu hori bera zuten eta enplegurik ez da sortu. Azkenean, langileari lana eta eskubideak i kentzen zaizkio". Mentaberrik "beharbada enplegua sortuko dute, baina jakinik erraza dela ere suntsitzea", CGTko kideak gaurko ogia eta biharko gosea ikusten du hor: “Enplegua sortzeko kontsumoa behar da, eskaria sustatu, baina jendeak sosik ez badu hori ezinezkoa da”.
LAB sindikatuko Jeronimo Prietok "zuhurtziaz" hartu du Myriam El Khomri lan ministroaren egitasmoa. Halere, argi du Erreforma François Fillonek abiatutako bidean aurrera doala. Puntu batek du kezkatu oroz gaindi: "Arau juridikoa apurtuko dute. Mende bateko jurisprudentzia pikutara doa lege honekin. Maila juridikoan bada ordena bat. Lan kodea oinarria da, eta gainerako neurrie hori hobetzen zuten. Orain hori aldarazi nahi dute: oinarri berria izanen da eta gero hortik behera negoziatzen ahal da enpresetan".
Mobilizazioak
Langileen kolektibo anitz mobilizatzen ari dira asteazkenean. Trenbideko langileak, besteak beste, Baionako San Ursula plazan bilduko dira. Ondoren, elkarretaratzea eginen dute suprefeturaren aitzinean gazte erakundeek lagunduta. 14.00etan, mobilizazioekin segitzeko moduaz gogoetako dute Baionako Lan Burtsan izanen den bilkuran.
Hauexek dira Ipar Euskal Herriko kolektiboa osatzen duten eragileak: CGT Cheminots Hendaia et Donibane Lohizune, CGT cheminots Baiona, CGT hôpital, CGT territoriaux Biarritz, LAB, Solidaires, Aitzina, AKM (Amis de Karl Marx), ATTAC Pays Basque, EELV, EH BAI, Ensemble Pays Basque, Indar beltza, La Commune, NPA Pays Basque eta Ezkerreko alderdia.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.