Langile esplotazioaren aurkako etiketak Turkian Zarako jantzietan
Turkiako Bravo enpresak Zararentzat lan egin ohi zuen, orain ordea, enpresa itxi eta azken hiru soldatak ez dizkiete ordaindu langileei. Langileek aldarrikapenak arropetako etiketetara eraman dituzte.
Protesta egiteko modu berritzailea asmatu dute Zararentzat lan egiten zuen azpikontrata bateko langileek. Bravo enpresak egun batetik bestera lantegia itxi zuen Turkian, baina azken hiru hilabeteetako soldatak ordaindu gabe utzi zituen langileak, La Marea agerkariak jaso duenez.
Egoera horren aurrean, langileek euren aldarrikapenak arropetako etiketetara eraman dituzte. Change.org orrialdean ere sinadura bilketa bat abiatu dute, jadanik 20.000 sinadura bildu dituzte.
Zara jantzi marka Inditex konpainiako parte da. Pull&Bear, Massimo Dutti eta Bershkaren gisako markak ere Inditex konpainiaren barruan daude. Amancio Ortega espainiarra da konpainia horretako akziodun nagusia, munduko laugarren pertsonarik aberatsena Forbes zerrendaren arabera.
Inditex eta langileen esplotazioa
Ez da aurreneko aldia, Inditex, langile esplotazioari loturiko auzietan nahastuta dagoena. Brasilen esaterako, esklabutza lanak eginarazteagatik kondenatu zuten multinazionala. Bangladeshen dituen “miseria tailerrak” ere ezagunak dira. BBCk duela gutxi salatu du, Zarak Turkian dituen zenbait azpikontratek Siriako haur errefuxatuak esplotatzen dituztela legez kanpo.
Duela egun batzuk Bershkako 300 bat langilek protesta egin zuten Amancio Ortegaren Fundazioaren aurrean euren lan eskubideen alde eta soldata berdintasuna eskatzeko. CCOO sindikatuak salatu zuen Inditexeko langileak “muturreko” egoeran bizi direla.
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
Santo Tomas eguna baliatuz txerriaren zozketaren parodia egin dute langileek kalejiran. Inditexek 20 saltoki itxi nahi ditu Hego Euskal Herrian, abian duen digitalizazio prozesuaren lehen fasean. Berria-k argitaratu duenez, apirilerako zazpi saltoki nahi ditu itxita enpresa... [+]
Rui-Ning eta Huabo Times lantegietako langileek gutun bat bidali diote Inditexen sortzaileari. Sindikatuen aurkako errepresaliak salatzen dituzte, COVID-19aren pandemiaren aitzakian.
Mango eta Zara arropa ekoizleen Myanmarren dituzten lantegietako langileek salatu dute koronabirusa dela eta sindikatutako kideak kaleratu dituztela, eta ez sindikalak mantendu. Penn Stateko Unibertsitateko Munduko Langileen Eskubideen Zentroak gehitu du enpresak hainbat eskari... [+]
Protestak abiatu dituzte Gipuzkoan Zara dendetako langile ugarik, lan baldintza prekarioak salatzeko. Inditex ez dago prest hitz egiteko opor egunez, lanaldiaz, ordutegiaz eta larunbatak libratzeaz, besteak beste. Amancio Ortega da jabea, munduko seigarren pertsonarik aberatsena... [+]
Changing Markets Foundationek argitaratu duen informe batek Inditex eta H&M multinazionalek erosten duten biskosa Asiako fabrika kutsakorretatik datorrela erakusten du. Ekologistak Martxanek hori salatu eta neurriak eskatu dizkie instituzioei.
2013ko apirilean, 1.100 langile baino gehiago hil ziren Blangadesh-eko arropa enpresa batean. Benettonek, El Corte Inglesek, Mangok eta Primarkek azpikontratutako langileak ziren. Hiru urte igaro dira sarraskitik, eta Juan Hernandez Zubizarretak eta Pedro Ramirok LaMarea.es... [+]
Rebecca Gallagher gazte galestarra zur eta lur gelditu zen Primark dendan erosi zuen 12 euroko soinekoa garbitzeko jarraibideak irakurtzen hasi zenean.
“Pakistanen ume bat erostea oso merkea da eta behin hori eginda, nahi duzuna egin dezakezu harekin. Horregatik beti diot Zara, Mango, Ikea edo H&M bezalako enpresetan ez erosteko, ematen diezun diruarekin, haiek 5 esklabo gehiago erosten dituztelako”.
Hilabeteak daramatzate protesta egiten New Yorkeko Zarako langileek, soldata altuagoak, ordutegi hobeak eta lanaldi osoko kontratu gehiago eskatzen.
Europako aberatsenen mapa egin du Reddit webguneko Molehole erabiltzaileak. Estatu bakoitzeko aberatsena eta haren ondasunak kalkulatu ditu, Europa Press eta Forbeseko datuak hartuz. Amancio Ortega Inditex-eko jabea eta Espainiako Estatuko pertsonarik aberatsena da, askogatik,... [+]