Bi langile hil dira lan istripuetan Nafarroan eta Bizkaian
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu okerrenak dituen erkidegoa da.
Bi langile hil dira gaur goizean Bizkaia eta Nafarroan, biak erorketen ondorioz. Euskal Herrian aurten lan istripuan hiltzen diren 46 eta 47. langileak dira, LAB sindikatuaren kontaketaren arabera.
Eusko Jaurlaritzako Segurtasun Sailak jakinarazi duenez, goizeko 11:10ean 47 urteko gizonezko bat Loiuko Larrondo kaleko pabiloi baten teilatutik erori da. Larrialdi zerbitzuak heldu direnean gizonezkoa hilda zegoen jada, eta bere heriotza egiaztatu baino ez dute egin.
Hogei minutu beranduago beste behargin bat hil da Nafarroan, Olletako kontzejuan, Leotzeko terminoan. Goizeko 11:30etan 28 urteko gizonezko bat telefono zutoin batetik erori eta hil da Lergako Bidean. SOS Nafarroak zehaztu duenez, Tafallako suhiltzaileak, anbulantzia, helikoptero medikalizatua eta Foruzaingoa azaldu dira Lergako Bidean. Behargina zortzi metrotatik erori da eta kasu honetan ere larrialdi zerbitzuek ezin izan dute langilearen heriotza ekidin.
Nafarroan hamabi lan istripu gertatu dira aurtengo lehenengo seihilekoan
Nafarroan seihileko honetan gertatzen den hamabigarren lan-istripua da hau, eta Diario de Noticias de Navarra egunkariak jaso duenez, erkidegoan jazotzen diren lan istripu larrien, oso larrien edota hilgarrien artean laurdena erorketengatik gertatzen dira. Nafarroako Osasun Publikoaren eta Lan Osasunaren Institutuko azpizuzendaritzak ohartu du istripu horiek ekidin daitezkeela "segurtasun neurri egokiak hartuz gero". Nafarroa ehun mila langileko baja eragin duten lan istripuen intzidentzia tasan datu okerrenak dituen erkidegoa da, estatuko batez bestekoa baino ehun puntu altuagoa.
Nafarroako Osasun Publikoaren eta Lan Osasunaren Institutuak 2014 eta 2023 urteen artean gertatu diren 509 istripu larri, oso larri edo hilgarri ikertu ditu guztira, eta horietatik 122 altuerako erorketei lotuta zeudela ondorioztatu du.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.