Ostiral goiz honetan gertatu dira istripuak. Urnietako kiroldegian lanean ari zen 59 urteko langile bat eta Amurrioko eraikin batean konponketak egiten ari zen 54 urteko langile autonomo bat hil dira lan istripuetan.
Pavimentos Tecnológicos Zarra enpresarentzat egiten zuen lan Urnietan zendu den pertsona. Miguel Imaz enpresako azpikontrata da Urnietako Udalerako kiroldegia berritzeko obra batzuetan ari zen lanean. Oraindik ez dira guztiz zehaztu istripuaren arrazoiak, baina ELAren esanetan, “hormigoia botatzeko lanetan ari ziren obran eta kamioiaren besoetako batek oreka galdu eta luma [garabia] mugitu du, honek langilea kolpatu eta heriotza eragin dio”.
Amurrion 54 urteko langile bat hil da ostiral, aldamiotik erorita. 10:30ean gertatu da lan istripua, Goiena kaleko eraikin bateko obretan. Osalanek ikerketa bideratuko du, heriotzaren arrazoiak argitzeko.
Aurten Euskal Herrian 52 pertsona hil direla ere azpimarratu du ELA sindikatuak. Eraikuntzaren sektoreak prekarietate handia bizi duela salatu du eta, lan eta prebentzio eremuetan etengabeko lege-urratzeak ematen direla, lan baldintza gogorrak eta langileek presio handia jasaten dutela: “Ezbeharrak gertatzeko koktel perfektu bilakatzen dira, kasu honetan gertatu den moduan”.
Datorren asteartean euskal gehiengo sindikalak deituta salaketa bilkura egingo dute Urnietako udaletxearen aurrean 13:00etan, LABek txio batean iragarri duenez.
Langile bat hil da Urnietako kiroldegiko eraberritze lanetan; lan heriotzen sarraskiak eraikuntza sektorea kolpatu du oraingoan #PrekaritateaHiltzailea
Asteartean, 13:00etan, udaletxearen aurrean mobilizatuko gara gehiengo sindikalak deituta
???https://t.co/XpF86brChn pic.twitter.com/qFGrrosals
— LAB SINDIKATUA (@LABsindikatua) October 15, 2021
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.