Langile bat hil da Igantziko harrobian, lan istripuan, bost egunetan hirugarrena
Istripua 12:55ean izan da Foruzaingoak prentsa oharrean jakinarazi duenez, Igantziko (Nafarroa) harrobian kamioi bat irauli eta langilea azpian harrapatu duenean. Foruzaingoa ikertzen ari da iraulketa.
Bost egunetan hiru hildako izan dira jada, azkenak Zanbranan (Araba) astelehen honetan eta Berriobeitin (Nafarroa) iragan larunbatean. Euskal Herrian hogei langile hil dira maiatzaz geroztik lan istripuetan, 46 urte hasieratik.
ELAk jakinarazi duenez, "laneko istripu-tasa %30 igo da 2012tik Nafarroan, eta laneko heriotzen %40ren arrazoi zuzena enpresek segurtasun-neurriak ez ezarri izana da. Horren aurrean, patronalak isilik jarraitzen du, eta Nafarroako Gobernuak –ISPLN Osasun eta Lan Publikoaren Institutua eta Lan Ikuskaritza baliabide faltagatik kolapsotik hurbil dauden bitartean– diru publikoa CEN enpresarien elkarteak, UGTk eta CCOOk babesten duten Prebentzioko Lurralde Ordezkaria finantzatzera esleitzen du, figura hori ez-eraginkorra eta klientelarra dela frogatu den arren".
Egoera horren aurrean, ELAk lan-osasuneko elkarrizketa sozialeko politika ez-eraginkorrak bertan behera uzteko eta erakunde publikoen kontrol baliabideak handitzeko eskatu du. Aldi berean, langileei antolatzeko eta mobilizatzeko deia egin die, "lan-baldintzak hobetzeko eta enpresetako eta lantokietako lan-istripuak desagerrarazteko aukera bakarra gisa".
LABeko idazkari nagusi Garbiñe Aranburuk adierazi duenez, “arazo larri baten aurrean gaude, askotan salatu izan duguna. Abuztua eta iraileko istripuen gorakadak ez dio koiuntura bati erantzuten, sakoneko arazoei erantzuten die. Horren atzean dauden arrazoiak askotan salatu izan ditugu. Hau guztia indarkeria patronala dela ulertu behar dugu, ekidin daitezkeen istripuei buruz ari gara. Laneko gaixotasunetan ere gorakada nabarmena ematen ari da”.
Mobilizazio bateratua Gasteizen
Zambranan hildakoa baso lanetan ari zen, Castellongo Contrachapados Archena enpresarentzat, Arabako Foru Aldundiaren azpikontrata. Hori dela eta,asteazken honetan, euskal gehiengo sindikalak elkarretaratzea egin du Arabako Foru Aldundiaren aurrean, lan heriotza hau eta aurten Euskal Herrian gertatutako 45. lan istripu hilgarriak salatzeko.
Gehiengo sindikalak ostiralean Iruñera eramango du lan heriotzen salaketa, 11:00etan Nafarroako Parlamentuaren aurren bilduz.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.