Langile bat hil da Gasteizen aldamiotik behera erorita, urteko lehena
Urteko lehen lan egunean, lehen langilea hil da Gasteizen. Olarizu auzoan, aldamio batean beharrean ari zela amildu ondoren. 2019an 44 lagun hil ziren prekarietate baldintzen ondorioz Euskal Herrian LAB sindikatuaren arabera.
Lehen langilea hil du urtarrilaren 2ak Gasteizen, Euskadi Irratiak Eusko Jaurlaritzako Segurtasun Saila aipatuta jakinarazi duenez. Ostegun eguerdian hiru metroko altueratik amildu da behargina eta erreanimatzen saiatu diren arren, osasun-zerbitzuek ezin izan dute ezer egin haren bizia salbatzeko.
CCOOk azaldu duenez, 54 urteko gasteiztarrak denbora gutxi zeraman Arnaiz Asc 21 enpresak kontrataturik eta arnesik gabe ari zen eraikin bateko aldamioa muntatzen. Urtarrilaren 2a ez da lan eguna eraikuntzan Arabako lan hitzarmenaren arabera, sektore horretan Eguberritan egin ohi duten etenaldiari jarraiki. Hala ere, hildakoa eta bere hainbat lankide obran ari ziren.
Eusko Jaurlaritzako Osalan laneko segurtasunerako erakundeak jakinarazi du ikerketa abiatuko duela heriotza hori dela-eta.
Prekarietatea, lan heriotzen aldagai
Hildako langileen estatistika abiarazi du Olarizu auzoan jazotakoak, urtea hasi eta bi egun ere igaro ez direnean. LAB sindikatuaren arabera, 2019an 44 langile hil ziren Euskal Herrian –horietako bi atzerrian lanean ari zirela hil ziren, Mexikon eta Bretainian–; azkenekoa Iruña-Okan, 46 urteko gizonezkoa.
Horiei gehitu behar zaie laneko gaixotasunengatik, amiantoa kasu, hildakoak. Nolanahi ere, iaz hildakoen kopurua aurreko urtekoa baina baxuagoa da iturri bera hartuta, 22 lagun gutxiago hain zuzen, eta azken bost urteetako txikiena da.
Baina sindikatuek oharatarazi dute jarduera ekonomikoaren eta heriotza kopuruaren tasan gero eta pisu handiagoa duela lan-prekarietateak. Heriotza horietako asko lan baldintza kaskarragoak dituzten azpikontrataturiko langileenak edo "autonomo faltsu" bezala lan egiten duten garraiolarienak dira.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]