Langile bana hil da Iruñean eta Leioan
Asteartean hil dira biak, Leioakoa heriotza ez traumatikoz, eta Iruñeko Arrosadia auzokoa garabi baten palak kolpatu ostean. Hemeretzi langile hil dira Euskal Herrian aurten.
Arrosadiako lan istripua 15:00ak aldera gertatu zen. Mariezcurrena enpresako 52 urteko langilea kale baten konponketa lanetan ari zen lanean, udal enkarguz. Udaltzaingoak hartu du gertatuaren ikerketaren ardura. Leioan hildako pertsona CAR Bizkaia enpresako langilea zen, ELAk jakinarazi duenez 50 urte inguru zituen eta heriotza ez traumatikoz hil da.
Astelehenean, LAB sindikatuak jakinarazi zuen iragan astean hirugarren langile bat hil zela, 59 urtekoa eta Ingemat enpresako behargina. Hau ere heriotza ez traumatikoz hil zen. Atzoko biekin, momentuz 19 dira lanean hildako langileak Euskal Herrian.
“Ezin da zorte txarraz hitz egin”
LABek azpimarratu du heriotza ez traumatikoak lan istriputzat hartu behar direla, “estresa, lan baldintzak eta presioa funtsezko faktoreak direlako istripu kardiobaskularretan”. ELAk dei egin die herritarrei azken bi heriotzak salatzeko gehiengo sindikalak deituko dituen mobilizazioetara. Arrosadian, auzoko eragile politiko, kultural eta sindikalek kontzentrazioa egin zuten astearte arratsaldean, langilearen heriotza salatzeko. Deitzaileek prekarietateari egotzi zizkioten lan istripuak eta heriotzak, “ezin da zorte txarraz hitz egin”, eta erakundeei exijitu zieten neurriak har ditzaten lan baldintzak eta laneko segurtasuna bermatzeko.
Ahotsa.info-k jaso du Arrosadiako kontzentrazioa bideoan:
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]