Laneko heriotzak salatuko dituzte ostegunean Bilbon
Bi langile desagertuta daude Zaldibarko zabortegiko luizian, eta 2020a hasi denetik lan istripuen ondorioz hildako langileak hamabi dira, LAB sindikatuaren kontadorearen arabera. Prekarietateak hil egiten duela salatzeko eta erakundeei politikak aldatzea exijitzeko elkarretaratzea deitu dute hainbat sindikatuk. Zaldibarko luizian desagertutako familiei elkartasuna adieraztea ere bada mobilizazioaren asmoa.
“Prekarietatea hiltzailea, lan istripu gehiagorik ez!” lelopean deitu dute mobilizazioa ELA, LAB, ESK, STEILAS, EHNE eta HIRU sindikatuek. Elkarretaratzea ostegunean egingo da Bilbon, 18:30ean Arriagan. “Instituzioetako arduradunen atsekabe eta elkartasun hitzekin nekatuta gaude, ekintzarako garaia da”, adierazi du LABek mobilizazioaren berri emateko publiko egindako idatzian.
Sindikatuak azpimarratu du lan heriotzen arduradunak patronala eta “honekin erabat lerrokatuta dagoen” Eusko Jaurlaritza direla.
Zaldibarko zabortegiko kasua hartu du ahotan LABek. Adierazi du bertan lan egin duten langileak arriskupean lan egin dutela urteetan, baita luizia jazo ostean bertara lanera bidalitako langileak ere, azken horiei amiantoaren gainean ezer ez baitzitzaien deus aipatu. “Helburu bakarra autopista irekitzea izan da, ikuspegi ekonomizista berriz gailenduz”, salatu du sindikatuak. Azpimarratu du lehentasunak ondokoak izan beharko liratezkela: langile biak aurkitzea, eta senide, lankide eta biztanlegoari kudeaketa gardena bermatzea.
LABek Eusko Jaurlaritzari exijitu dio “egun dauzkan baliabide guztiak prekaritateari aurre egiteko erabil ditzala” eta “segituan prekarietatearen aurkako larrialdi-plan bat onar dezala, pandemia honi aurre egiteko beharrezko baliabideak lortze aldera”.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]