“Landa eremuan emakumeek lurraren, herriaren eta komunitatearen zaintzan egin duten lana aitortu beharra dago”
Zaintzen errealitateak ezaugarri zehatz batzuk ditu: sektore feminizatua da, prekarioa, arrazializatua eta onarpenik gabekoa. Landa eremuan, alta, ezaugarri orokor horiei aldagai bereizgarri batzuk gehitu behar zaizkiola azpimarratu dute eremu honetako mugimendu feministek.
Landa eremuan, zaintzen gaia lurraren, herriaren eta komunitatearen zaintzarekin zerikusi zuzena du, Garbiñe Elizegi Baztango Mugimendu Feministako kideak argitu moduan. Azaroaren 30erako deitutako greba orokorraren aldarriekin bat egiteaz gain, landa eremuko emakumeek euren errealitateaz hausnartzeko parada izan du. "Landa eremuan, mendeetan zapaldua izan den kultura eta hizkuntzaren transmisioan eta zaintzan eragile garrantzitsuak izan gara eta gara gaur egun ere. Gure kultura, hizkuntza eta bizimodua bizirik mantentzeko ezinbertzeko lana egin dugu".
Sistema kapitalistaren itzalpean, "sostengarriak eta burujabeak" diren baserrien lan zama handiena euren gain hartzea edo baserritik atera eta bigarren lanbide bat bilatzera behartzen ditu emakumeetako asko. Lan horiek lan feminizatuak izan ohi direla azpimarratu du Elizegik, soldata baxukoak eta zaintzarekin lotutakoak. Beste eremuetan bezala, zaintzarekin lotutako lanaren sektorea sektore arrazializatua da herrietan ere: "Migratutako eta arrazializatutako emakume ugari daude landa eremuan egoiliar moduan lanean. Hiriguneetako egoiliarren egoera sostengagaitz bera pairatzeaz gain, bakardadea eta saretzeko zailtasuna bizi dute".
"Egoera honen aitzinean", borobildu du Elizegik, "Euskal Herriko landa eremuan zaintza sistema publiko komunitario bat eraikitzeko bidean, landa eremuak bizitza sostengatzeko duen garrantziaren aitortzatik abiatu behar dugu. Aitortza honek landa eremuko emakumeak bizitzaren defentsan egiten ditugun lan guztien aitortzatik pasatu behar du. Horretarako herri lurrak eta nekazaritza lurren banaketa, eta hiri eta herrien arteko baliabide publikoen bidezkoagoa den banaketa bat eman behar da, zerbitzu publikoak deszentralizatuz".
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
Gure herri eta hiriek ez gaituzte zaintzen. Lurra falta zaigu, berdeguneak, espazio komunitarioak. Gure herria kapitalaren zerbitzura dago diseinatuta. Zaintzaren herrian, ordea, bizitza da erdigunea.
Lehen Kale Nagusia zegoen, hiria zeharkatzen zuen kale erraldoi bat... [+]
Etxeko langile diren eta zaintza lanetan aritzen diren emakumeentzako etxea abian jarri dute Berriozarren. Zortzi pertsonendako lekua duen pisua gaitu dute zaintzan diharduten langileak 6-12 hilabetez espazio duin eta seguru batean bizi daitezen. SOS Arrazakeria Nafarroak eta... [+]
ELA eta LAB sindikatuek deituriko lanuztea da eta “lehenengo probintzia lan-hitzarmena” aldarrikatuko dute. Langileak lau urtez egon dira “baldintza duinak” galdegiten eta ekainean berriro biltzen hasi zirenetik “ez da aurrerapausorik eman”.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Seme-alaba jaioberria zaintzeko baimen ordainduaren zati bat aiton-amonei edota gertuko beste norbaiti eman diezaiekete gurasoek Suedian, uztail honetatik aurrera.
Arrazismoa, matxismoa, klasismoa, eta beste hamaika ismo-rekin batera koka genezake edadismoa ere, adinkeria, alegia. Adinaren arabera jasan daitekeen bazterketa guztiok paira bagenezake ere, bestelako diskriminazio motekin gurutzatzen denean, errealitatea gogortu egin daiteke... [+]
Azpeitiko epaitegian deklaratu beharko dute ekainaren 5ean. Zumaia eta Zarautz arteko A-8 autobidearen mozketari loturik, "desordena publikoa" egozten diete. Egun berean 09:50ean elkarretaratzea eginen du mugimendu feministak, elkartasuna adierazteaz gain,... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Bati fardela aldatzea. Beste bati gorputza garbitu eta ximentzea. Jana atondu eta norbaiti jaten ematea. Norbaiten gorputza oheratu edo ohetik altxatzea. Goitikan ari dela inori eutsi eta hura garbitzea. Horiek guztiak dira zaintzeko lanak. Zerrenda askoz luzeagoa da, nahiz... [+]
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]
Martxoaren 8a dela eta, berri eta iritzi ezberdinak irakurri ditut. Berdintasunerako bidean lan handia egiten ari da gure gizartea, eta publikoki berdintasunerako bidean feminismoa onartua den borroka bada ere, gizarteko mikrokosmosetara jaisterakoan, bada oraindik berdintasuna... [+]