Landa biziberritzeko praktikak
'Sustraiak Erasmus' egitasmoaren bidez landa eremuan praktikak egiteko aukera eskaintzen du NUPek. Xedea da Nafarroako despopulazioari aurre egitea.
Herriak ezagutu, saretu eta errotu. Horiek dira Sustraiak Erasmus egitasmoaren oinarriak. NUP Nafarroako Unibertsitate Publikoak antolatuta, 44 ikaslek despopulazio egoeran dauden Nafarroako herrietan praktikak egiteko aukera izaten dute. Hiru helburu nagusi ditu egitasmoak: tokian tokiko garapena sustatzea, gazteak landa eremuan errotzea eta herrien inguruko kontzientzia piztea. Nafarroako presidente den Maria Chivitek nabarmendu du despopulazioari aurre egitea “erronka handia” dela: “Egitasmoa nahitaezkoa da gazteak herrietara hurbiltzeko eta herrietako jendea, bazterrak eta aukerak ezagutzeko”.
Egitasmoa 30 urtetik beherako gazteentzako da, eta parte hartzeko bi bide daude: NUPeko edozein gradu, master edo postgradutako ikaslea izatea eta kredituen %50 gainditua izatea edo edozein unibertsitatetako titulua izatea. 450 orduko egonaldi praktikoa da, eta lau hilabeteko iraupena dauka. Ikasleek 4.320 euro jasotzen dituzte praktikengatik, baina bere gain hartu behar dituzte praktiken ondoriozko kostuak eta prestakuntza.
Praktiken egonaldia egiteko erakundeek 250 langile baino gutxiago izan behar dituzte eta despopulazio arriskuan egon behar dira herriak. Toki Administrazioaren eta Despopulazioaren Zuzendaritza Nagusiaren datuen arabera, lau udalerritik bat despopulazio arrisku larrian dago.
Horrez gain, despopulazioari aurre egiteko proiektu bat garatu behar dute gazteek. Proiektuan gehiago murgiltzeko praktiketako lekua eta inguruko herriak ezagutzea gomendatzen dute, parte hartzen duten ikasle asko landa eremukoak izan arren, beste batzuentzat egunerokotasunetik “oso urrun” dagoen errealitate bat delako.
Herrietan geratzeko zailtasunak
Maite Bargillak, bere herrian, Santakarako Udalean, egin ditu praktikak: “Oso aberasgarria eta erakargarria izan da”. Enpresen Administrazio eta Zuzendaritza eta Nazioarteko Zuzenbidea ikasten ari da, eta ondare kulturala kontuan hartuta ekonomia eta turismoa indartzeko ikerketa bat egin du: “Oso eskertua dago”.
Orokorrean esperientzia positiboa izan den arren, ikasle batzuentzat herrietan etxea aurkitzea “zaila” dela kontatu du: “Zortea izan dut nire herrian zelako”. Horregatik, gazteek herrietan errotu ahal izateko “lan handia” egin behar dela uste du: “Herritan geratu nahi duten gazteak daude, baina ezin dute”.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
2014 eta 2020 urteen artean 350 biztanle galdu ditu Zuberoak (-%2.55). Galera handienak Maule, Barkoxe, Sohüta, Garindaine, Ligi, Mitikile, Atharratze, Bildoze, Altzai eta Montori herrietan izan dira. Haatik, zenbait herritan biztanle kopurua emeki goratzen ari da.
Azken biztanle kontaketaren arabera, Lapurdiko kostaldeko herri bakarra da Ziburu beheranzko joeran dagoena. 6.800 izatetik 6.200 biztanle izatera pasa da azken sei urteotan.
Hurrengo urtean India izango da munduko herrialderik populatuena, Txinaren aurretik; datorren azarorako, 8.000 milioi herritar izango ditu planetak; zortzi herrialdetan kontzentratuko da biztanleriaren hazkunderik handiena; baina oro har jaiotze tasa txikitzen eta biztanleria... [+]
EAEko demografiaren beheranzko joera aldatu asmoz 2030erako estrategia aurkeztu du Eusko Jaurlaritzak. Estrategiaren baitako ekimenen artetik azpimarratutakoen artean, seme-alaba bakoitzeko hilabeteroko 200 euroko diru-laguntza aipatu du lehendakariak. 2023an pasako da indarrean... [+]
Noizean behin, normalean nire arretaren oso ertzetik pasatzen den kezka bat entzun edo irakurtzen dut: populazioa zahartzen ari da. Berriki gertatu zait. Eta datu zaparrada baten bidez xehetu ohi dizkidate zahartze horren erritmoa eta geografia. Tentazioa ematen du serio jarri... [+]
Nafarroako Gobernuak 500.000 euro bideratuko ditu despopulazioari aurre egiteko dirulaguntzetara. Herriek finantzatu nahi dituzten proiektuak aurkezteko epea uztailean zehar zabalduko da.
Hirurehundik gora herrik 200 biztanle baino gutxiago dituzte, eta hamaika udalerritan kilometro koadroko hamar biztanle baino gutxiago bizi dira. EHUk egin duen azterketa aurkeztu du Arabako Diputazioak.
Minimo historikoetara egin du behera jaiotze-tasak Araba, Bizkaia eta Gipuzkoan, 1941etik erregistratu den zifrarik baxuena baita 2020koa. Iaz 14.721 haur jaio ziren, aurreko urtean baino 697 gutxiago (%5,1 gutxiago). Azken urteetako beheranzko joerak dirau: 2008tik 2020ra, %30... [+]
Lurralde Kohesio Departamentuak, Toki Administrazioko eta Despopulazioko Zuzendaritza Nagusiaren bidez, 1,7 milioi euroko bi laguntza-deialdi egingo ditu laster, toki-erakundeei zuzenduta, despopulazioa arintzeko ekintzak eta inbertsioak bultzatzeko. Udal-zerbitzu publikoak... [+]
Herri eta bailara ugari basamortu bihurtzen ari da Euskal Herrian. Lan eta zerbitzurik gabe, egungo merkatuak bazterturiko eremuotan nola bizi? Egoera hori irauli nahi du Udalbiltzak, eta horretarako, logika lehiakorretik at, pertsonak erdigunean jartzen dituen ekonomia... [+]
Kohesio sozial osasuntsua irudikatzen duten faktore ekonomikoen aurrean, despopulazioak eragin duen adin taldeen arteko desorekak Arabako Mendialdeko etorkizuna hipotekatu dezake.
Gaindegiak atlas interaktibo batean Euskal Herriko eskualdeen argazki sozioekonomikoa egin du. Oinarrizko zerbitzu publikoen gertutasuna askoz ahulagoa da periferiako eskualdeetan hiriburuetan baino.
Despopulazioaren atzean faktore ekonomikoak daude, batik bat; besteak beste, dauden inbertsioak ondo bideratzeko estrategia bat falta dela uste du Jose Antonio Guillen Graciak. Estatu-politikak sustatzeko presio talde bat sortu dute Espainia, Kroazia eta Greziako eragileek eta... [+]