Lanbidearteko gutxieneko soldataren igoera, ke zuriaren atzean dagoena
Espainiako Gobernuak, patronalak eta sindikatu nagusiek, gutxieneko soldata igotzeko akordioa lortu dute Espainian. Baina zer dio akordio horren letra txikiak?
Pozik agertu ziren CCOO eta UGT sindikatuetako ordezkariak, Espainiako Gobernuarekin eta patronalarekin lanbidearteko gutxieneko soldata igotzeko akordioa lortu ostean. Egungo 707 eurotik 850 eurora igoko dute gutxieneko soldata 2020. urterako, %4 haziko da 2018an, %5 2019an, eta igoera handiena azkena izango da: %10ekoa 2020. urtean. Igoera hori eman dadin ordea hainbat baldintza bete beharko dira.
Espainiako ekonomiaren hazkundea da aurreneko baldintza. %2,5 hazi beharko da ekonomia soldatak igoko badira. 2019. urterako aurreikusitako hazkundea ehuneko hori baina txikiagoa da, kasu horretan, berriz ere sindikatuak, patronala eta gobernua elkartuko lirateke, soldata igoera berria adosteko.
Gizarte segurantzan 450.000 pertsonek izena eman beharko dute urtean, horixe da, akordioan jasotako bigarren baldintza. Bi baldintza horiek betetzen badira, 2020. urterako 850 euroan jarriko litzateke gutxiengo soldataren langa.
Neurriak ordea langileen %3,5ari eragingo dio soilik. Ez da aplikatuko lanbidearteko gutxieneko soldata erreferentzia gisa erabiltzen duten hitzarmen kolektiboetan, beraz, egun gutxieneko soldata jasotzen duten langileei soilik eragingo die, kontratu partzialdunak gehienak. Espainiako Gobernuaren arabera 530.000 langileri eragingo die neurriak, aldiz CEOE patronalak 136.000ra jaitsi du kopurua.
Europaren aldean baxu
Gutxieneko soldata 850 eurora igota ere, Europako beste zenbait herrialderekin alderatuta kopuru oso baxua izaten jarraituko luke Espainian. Frantzian esaterako 1.500 euro inguruan dago gutxieneko soldata, Alemanian ere antzeko eta Erresuma Batuan 1.400 euro inguruan dago. Beraz, Espainiako gutxieneko soldata 600 bat euro baxuagoa izango litzateke Europako beste zenbait herrialderekin alderatuta.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]