Lanbide Heziketan hezkuntza premia bereziak dituztenen ikas-prozesua bermatzeko proiektua abiatu dute
Ikasle guztiak, baita premia bereziak dituztenak ere, kontuan hartuko dituen curriculuma diseinatzen eta aplikatzen jarriko dituzte Errenteriako Don Bosco Lanbide Heziketako irakasleak. Lanbide Heziketan lehenengoz egingo dela eta proiektu berritzailea dela iragarri dute, “ikaskuntza-prozesuan zailtasunak dituzten ikasleen inklusioa eta prestakuntza-arrakasta lortzea” helburu duena.
Ikaskuntzaren Diseinu Unibertsala (IDU) da gakoa: ikasle guztiek erraz eskuratzeko moduko curriculum inklusiboa lantzeko jarraibideak proposatzen ditu IDU-k, denen aukera-berdintasuna bermatzeko eta guztien beharrak asetzeko asmoz. Hezkuntzan dagoeneko badabilen kontzeptu honen arabera, ikasleen ezberdintasunak aintzat hartu eta testuinguru hezigarri askotarikoak prestatu behar dira, bakoitzak izan ditzakeen zailtasun eta oztopoak murrizteko eta denek ikasteko aukera bera izan dezaten.
Bada, Ikaskuntzaren Diseinu Unibertsala Lanbide Heziketako irakasleen artean ezagutarazteko proiektua jarri dute abian Errenteriako Don Boscon, eta helburua da gertutik hasi eta gerora EAE osoko Lanbide Heziketako irakasleengana iristea: “Ondorioak dokumentatuko dira eta sortutako materialarekin informazio komunitarioko material-banku bat sortuko da”.
Erronketan oinarritutako metodologia dagoeneko “arrakastaz” aplikatzen da Lanbide Heziketan, eta metodologia horri Ikaskuntzaren Diseinu Unibertsala gehituko dio proiektu honek. Hori “aitzindaria da Espainiako Estatuan”, nabarmendu dute aurkezpenean.
"Irakasleek ez dute prestakuntzarik hezkuntza premia berezietan, ezta oztopo horiek murrizteko lan egiteko moduan ere"
IDU gelak, erronketan oinarritutako ikaskuntza kolaboratiboan deitu duten proiektuan, Tolosaldea Lanbide Heziketaren eta Dislegi Gipuzkoako Dislexia Elkartearen kolaborazioa du Don Boscok. Parte hartzen duten irakasleak espezializazio-ikastaroak egiten ari dira IDUn, eta hezkuntza premia bereziei buruzko beste batzuekin indartuko dituzte. Prestakuntza horien laguntzaz, hiru proiektu pilotu egingo dituzte, erdi-mailako bi ziklotan (Telekomunikazio-Instalazioetako Teknikaria zikloa Don Boscon eta Mikroinformatika Sistemak eta Sareak zikloa Tolosaldean) eta goi-mailako ziklo batean (Mekatronika Industrialeko goi mailako teknikari zikloa Don Boscon).
Irakaslea ez denean ikasleengana iristen
“Ohikoa da irakaslea konturatzea ez dela ikasleengana iristen, baina askotan ez du jakiten nola aurre egin ikasleek dituzten hezkuntza premia bereziei. Ikasleak ez du arazoa edukiekin, eduki hori nola iristen zaion da arazoa, eta ondorioz, gelan ez dago ekitaterik, ezta inklusiorik ere. Irakasleek ez dute prestakuntzarik hezkuntza premia berezietan, ezta oztopo horiek murrizteko lan egiteko moduan ere. IDUaren esparruan prestakuntza izango balute, horietako askok aldaketak egingo lituzkete beren eskoletan, eta horrek eragin handia izango luke ikasle guztiengan”. Hala mintzatu dira proiektuaren sustatzaileak.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]