Lan prekarietateak eta prebentzio faltak hil egiten duela salatu dute Iruñean eta Bilbon
Lan Segurtasunaren eta Osasunaren Nazioarteko Egunean, gehiengo sindikalak manifestazioak egin ditu Bilbon eta Iruñean, lan ezbeharren kopuruak gorantz jarraitzen duela eta horren atzean prekarietatea dagoela salatzeko. CCOO eta UGT ere Bilbon mobilizatu dira.
Prebentzio neurriak bermatu ezean, "milaka langilek jarraituko dute behar besteko babesik gabe; bereziki, prekarioen daudenak", azaldu dute ELA, LAB, ESK, STEILAS, Etxalde eta Hiru sindikatuek Bilbon eta Iruñean ostegun honetan egindako manifestazio jendetsuetan. Lan Segurtasunaren eta Osasunaren Nazioarteko Egunean antolatu dituzte mobilizazioak, eta hildako langileei lore eskaintza ere egin diete.
Iaz, gutxienez 68 lagun hil ziren lanean, iturri sindikalen arabera, eta "modu kezkagarrian" egin du gora kopuruak: %10,2 gehiago EAEn eta %16,7 Nafarroan. Aurten jadanik 20 dira hildakoak.
"Modu kezkagarrian" egin zuen gora lanean hildakoen kopuruak iaz: %10,2 gehiago EAEn eta %16,7 Nafarroan
Laneko gaixotasunengatik hildakoak, bestalde, askotan ikusezin bihurtzen direla ere salatu dute, ez direlako "ondo erregistratzen". Eta datu esangurtasu bat ere eman dute, azpi-erregistro horretan amiantoak hildako 17 lagun daude gutxienez.
Egoera are zaurgarriagoa da emakumeentzat. ELAko La Segurtasun eta Osasun Saileko Leire Herediak Bilboko Alondegian egindako jardunaldi batean azaldu duenez, "emakumeek jasaten duten behin-behinekotasun, jardunaldi partzial edo pobrezia handiagoak eragina du euren osasunean".
"Arreta jarri nahi dugu istripu eta gaixotasun horien jatorrian –azaldu dio Hamaika Telebistari Igor Arroyo LAB sindikatuko Idazkari Nagusiaren albokoak.–. Eta jatorria da prekarietatea, lan osasuneko eta segurtasuneko legediaren urraketa etengabe bat dagoela. Arazo nagusia da ez direla neurriak hartzen instituzioetatik horri guztiari erantzuna emateko".
Baja eragin duten 36.364 istripu EAEn
CCOOk eta UGTk ere mobilizazioak egin dituzte ostegun honetan. CCOOko kideak Confebasken Bilboko egoitzaren aurrean elkarretaratu dira, "gehiegizko azpikontratazioa" salatzeko.
UGTk, berriz, manifestazioa egin du segurtasun eta osasuna "oinarrizko eskubidea" direla gogoraraziz: "Momentu honetan azken bost urtetan baja eragin duten istripuen kopuru handiena daukagu eta Eusko Jaurlaritzari exigitzen diogu talka-plan bat abian jartzeko", adierazi du Raul Arza UGT-Euskadiko idazkari nagusiak. Beste datu bat ere eman dute: 2021ean baja eragin zuten 36.364 lan-istripu gertatu ziren Araba, Bizkaia eta Gipuzkoan.
Ipar Euskal Herrian mobilizazioak egin dituzte sindikatuek. Donibane Lohizunen, esaterako, eraikuntza arloko FSU, CGT eta LABeko kideak elkarretaratu dira Lapix garabi enpresaren aurrean, eta martxoaren 9an Baionan zendutako Mohamed Kechoui langilea gogoratu dute, besteak beste.
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Gazteen artean izan da nabarmenena igoera: 2019tik %91 hazi da baja kopurua. Emakumezkoen bajak, berriz, ia bikoitza izan dira gizonezkoekin alderatuta. Konfinamenduan jo zuen goia buru osasunagatiko baja kopuruak, baina aurtengo maiatzean kopuru hori gainditu egin da.
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Mutualitateek identifikatzen dituzte gaixotasun profesionalak, eta gero gehienak gizarte segurantzara bideratu. LABek salatu du bide horretan enpleguarekin duten lotura ezkutatu nahi izaten dutela. Europar Batasuneko lan-istripuen eta lan-gaixotasunen portaeraren datuek... [+]
Iruñeko Lan Arloko Epaitegiak frogatutzat eman du hildakoak amiantotik babesteko baliabiderik gabe lan egiten zuela. Aurretik ere antzeko kasu bategatik epaitu zuten Fagor Ederlan Tafalla enpresa.
Lan istripuak eta laneko gaixotasunak horiek prebenitzeko neurriak baino garestiago bilakatu nahi ditu enpresentzat Bidelagun Fundazioak. Izan ere, Hego Euskal Herrian urtero 50 pertsona baino gehiago hiltzen dira lan istripuen ondorioz, eta heriotza horietako bakoitzeko beste... [+]
Forging Steel Products burdingintza enpresan bihotzekoak jota hil da 46 urteko langilea, maiatzaren 3an.
Apirilaren 28a Lan Segurtasun eta Osasunaren Nazioarteko eguna dela-eta, mobilizazioak antolatu ditu gehiengo sindikalak Hego Euskal Herriko hiriburuetan. Pandemia egoeran langileen osasun eta bizi baldintzek okerrera egin dutela salatu dute eta lan osasuneko politikak errotik... [+]
Pandemia honek absentismoa areagotu duela dio Confebaskek, mesedegarriak zaizkien gezurrak zabalduz
Sindikatuek ohartarazi dutenez, nahiz eta 2020eko datu ofizialek hobekuntza txiki bat iragarri duten lan-istripuen arloan, horiek ez dira jarduera ekonomikoaren neurri berean jaitsi. Eta heriotza kopuruak gora egin du: 3 hildako gehiago izan dira 2020an, aurreko urtean baino... [+]
Enpresak EAEko Justizia Auzitegi Nagusian jarritako helegitea kendu du eta indemnizazio osoa ordaindu beharko dio 2008an amiantoagatik hil zen langilearen familiari.
Lehen Arreta aktualitatearen aurreneko lerroan kokatu dute prekarietateak, lan zama handiek, behin-behinekotasunak eta baliabide faltek. Osasun sistemaren oinarria da, eta kalitatezko zerbitzua inoiz baino gehiago aldarrikatzen den garaiotan, badirudi ez EAEk ez Nafarroak ez... [+]
Pintura erradioaktibo distiratsuez erlojuetako orratzak eta zenbakiak margotzeko, emakumeen eskulana erabili zuen AEBetako enpresa batek 1920ko hamarkadan. Ilunpean distira egiteaz gain, neskak sintoma fisikoak sentitzen hasi ziren berehala: Radium Girls deitu zieten. Orain... [+]
Apiril amaieran gertatutako pasarte baten harira jarri du kexa Bizkaiko Basozainen elkarteak. Basozain baten igorgailuaren alarma botoia sakatu zuen norbaitek, baina oraindik ez dakite nor izan zen. Sistemak “hutsune larriak” erakutsi dituela salatu dute, eta... [+]