Lan-munduan euskara bultzatzeko Lanhitz deialdia: hamar urte Jaurlaritzaren ahalegin berririk gabe
“Iaz baino 200.000 euro gehiago” jarriko ditu Jaurlaritzak Lanhitz deialdian, lan-munduan euskara sustatzeko. Horrela iragarri du astearte honetan EAEko Gobernuak. Aldaketa garrantzitsua da? Beste urte batzuetako datuekin konparatuta, ezetz dirudi. Izan ere, duela hamar urte baino diru gutxiago bideratuko du Hizkuntza Politikarako Sailburuordetzak zeregin horretara.
PSE-EEk PPren babesarekin osatu zuen Jaurlaritzak, adibidez, 2,2 milioi euro bideratu zituen 2010eko aurrekontuetan Lanhitz programara, orain Jaurlaritzak onartu duena baino 200.000 euro gehiago, alegia.
Eta beste 200.000 gehiago ere inbertitu zituen Jaurlaritzak 2011n, finantzen mundutik etorritako ekonomia krisiak atzeraldia eragin zuen arren.
2013an, euskara sustatzeko diru-laguntzen murrizketaren berri eman zuen Berria-k, tartean Lanhitz programan aurreko urtean baino 340.200 euro gutxiago izango zirela azalduz. 1,94 milioitan geratu zen aurrekontua, aste honetan Jaurlaritzak iragarritakotik oso gertu, murrizketa eginda ere.
Antzeko kopuruak iragarri zituen Jaurlaritzak 2016ko aurrekontuetarako ere: 1.964.000 euro, Jaurlaritzak aste honetan iragarritakoa baino 36.000 euro gutxiago, baina orain arteko azken deialdiko aurrekontua baino gehiago.
2017an sartu zituen artaziak poltsa horretan Iñigo Urkullu buru duen gobernuak, bi milioi euroren inguruan zebilen aurrekontua 1.650.000 euroraino jaitsiz.
Iaz berriz, 1,85 milioi eurokoa izan zen partida Diario Vasco-ren albiste honetan irakurtzen denez.
Urtez urte iragartzen diren kopuru gordinei eta iragartzen diren igoerei erreparatu ordez azken hamarkadako bilakaerari begiratuz gero, euskara lan munduan sustatzeko deialdia bi milioi euroren inguruan dabil aspaldi honetan, testuinguru ekonomiko txarrenetan ere, eta beraz, Jaurlaritzak aste honetan iragarritako 200.000 euroko igoera nahiko anekdotikoa da.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
Gipuzkoako Foru Aldundiaren Uliazpi Fundazioan 34 zaintzaile plaza betetzeko oposizioetan euskara eskatzea zilegi zela eta ez zela diskriminatzailea ebatzi zuen iaz Donostiako epaitegiak. Orain ebazpen hori bertan behera utzi du EAEko Auzitegi Nagusiak, langile publiko hauei... [+]
Ana María Martínez epaileak irailean ebatzi zuen udaltzainek ez dutela zertan B2 euskara maila ziurtatu; orain epaia berretsi eta bi hilabeteko epea eman du berriro onartzeko hizkuntza eskakizunagatik 2021ean Arkautiko lan poltsatik kanpo gelditu zirenak. Irailean... [+]
UGT sindikatuaren helegitea onartu eta epaia berretsi du Gasteizko Administrazio Auzitegiak: udaltzainek ez dute gutxieneko euskara mailarik egiaztatu beharko. Bi hilabete eman dizkio auzitegiak Arkautiko Polizia akademiari lan poltsatik kanpo gelditu zirenak berriro onartzeko.
Hizkuntza-Eskubideen Behatokiak salatu du zerbitzu publikoak euskaraz jaso ahal izatea oinarrizko eskubide kolektiboa dela, eta larritzat jo du EAEko Auzitegi Nagusiak galarazi izana Barakaldoko Udalak zerbitzu publikoetako euskara eskatzea. Bestalde, Barakaldoko Sasiburu... [+]