Colas-Sud-Ouest enpresa Biarritzeko aireportuan lanak egiten ari zen, G7ko gailurrari begira. “Colasen kolaboratzea salatzeko” enpresaren makinariaren aurkako sabotajea egin dutela adierazi dute.
Herritar talde batek G7ko gailurraren aurkako sabotajea egin du igande gauean. Colas-Sud-Ouest enpresaren aurkako ekintza izan da, eraikuntza enpresa horrek nazioarteko gailurraren prestaketa lanetan parte hartzen ari dela argudiatuta. Horrela dio ARGIAk jasotako mezuak, hitzez hitz: “Colas-Sud-Ouest konstrukzio enpresak Biarritzeko aireportua konpondu du G7ko partaideen erabilerarako. Colasen kolaboratzea salatzeko Arbona zentro guziaren berreraikuntza beregain duela, lanetan ari diren egunetan, uztailaren 15 gauean, makineriak sabotatu dira”.
Colas-Sud-Ouest enpresaren aurkakoa ez da G7ko gailurraren aurka egiten den lehendabiziko ekintza zuzena. Asteotan ekintza gehiagoren berri ematen duten eskuorriak agertu dira Euskal Herriko puntu ezberdinetan, hala nola: Mc Donald’s eta Decathlonen kontrako ekintza Donostian, hainbat kutxazainen sabotajea Bilbon, Casino eta beste lau ostaturen kontrako sabotajeak Biarritzen, higiezinen agentzien sabotajea Baionan eta Getarian, “G7ak ordezkatzen duen sistema kapitalista heteropatriarkalaren aurkako sabotajeak” Donostiako Zara Kids, Stradivarius, Bershka, Orange edo Women Secret enpresetan.
Gailurraren aurkako ekimenak, biderkatzen
Abuztuaren 24tik 26ra elkartuko dira munduko zazpi herrialde aberastuenetako agintariak Biarritzen. Macronen gobernuak Miarritz eta inguruneak polizia eta militarrez inguratzea erabaki du, eta tokiaren arabera protesta eskubideak mugatu edo zuzenean indargabetu ditu. Azken hilabete eta asteetan gailurraren aurkako ekimen askotarikoak ugaritu egin dira.
Euskal Herriko 40 kolektibotik gora biltzen dituen G7 Ez! plataformak, eredu patriarkal kapitalistari “alternatibak” kontrajartzeko kontragailurra antolatu du Irunen eta Hendaian, abuztuaren 19a eta 23a bitartean. Iragan larunbatean manifestazio nazionala egin zen Biarritzen plataformak deituta, eta aurreko asteetan Hego Euskal Herriko hiriburuetan izan ziren mobilizazioak. Uztailaren hasieran G7 Blokatu kolektiboa aurkeztu zen, “desobedientzia zibil masiboa” baliatuta gailurra “oztopatzea” helburu duena. Frantziako Estatuko eta Europako beste herrialde batzuetako mugimenduak ere ari dira antolatzen abuztu amaieran izango diren ekimen eta protestekin bat egiteko.
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Munduko ekonomiaren ordezkariek, G7ko herrialdeek osaturik, Biarritz inbaditu zuten kostu handiko segurtasun gerriko ikusgarri eta gogaikarri batekin.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
Biarritzeko G7ren kontrako borrokari buruzko lehen analisiak eta kritikak agertu dira. Eta militantzia korronte desberdinek oharrak argitaratzen jarraitzeko parada izanen dute. G7 EZ! plataformako kide aktibo gisa, guk ere, kontra gailurraren antolaketari eta ondorioei buruzko... [+]
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aktualitate beroan, zenbait kasuan kiskali gaituen aktualitatea. G7aren eta honi aurre egin zion kontra-gailurraren bilanaz mintzatuko gara. Ez da gure asmoa polemikak edo barneko trapu zikinak ateratzea, baina bai ostatuetan, bilkura geletan edo sare sozialetan aipatzen den... [+]
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.
Ez da Bizi mugimenduaren usaietan militanteen arteko kalapitetan sudurra sartzea eta are gutiago berak batzuk hastea. Gure energia eta denbora premiazkoak dira sistema kapitalista honen kontrako borroka lantzeko eta Euskal Herriaren metamorfosi soziala eta ekologikoaren aldeko... [+]
Gasteizko autobus geltokira heltzean hiru patruila zituen zain, iraileko lehen asteburuan. Irailaren 5a arte Biarritz-Donostia gunetik irtetea debekatua zuela esan, eta bueltako autobusa hartzera behartu zuen Ertzaintzak. Ez du debekuaren agiririk jaso.
Aje luzea utzi du euskal herrigintzan G7aren kontra-gailurrak. Borroka bidaideen arteko –bai, bidaide diot– tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]