Lan karga handitu den arren, plantillaren %10 murriztu dute Galdakao-Usansoloko larrialdietan
Osakidetzak sei medikuren kontratuak eten dituela eta plantilla orokorraren lan baldintzak prekarizatu dituela salatu dute Galdakao-Usansoloko larrialdietako ospitalean lan egiten duten profesionalek. EAEko larrialdietan paziente gehien artatzen dituen zerbitzuetako bat da zentro hau eta urrian lan karga %20 handitu dela gogoratu dute.
Kontsultak itxi edota murriztearekin batera, lehen arretako itxaron zerrenda luzeek eragin dute larrialdi zerbitzuetara jotzen duten herritarrak gero eta gehiago izatea. Galdakao-Usansolon ere hala gertatzen ari dela salatu dute medikuek: “Osasungintzako arretan beste maila batzuetan ematen ari den pertsonal gabezientzako komodina bihurtu dira larrialdi zerbitzuak”. Beraien kasuan, urrian %20 handitu zaie lan karga, joan den urteko epe berarekin alderatuta, baina plantillaren %10 murriztea erabaki du Osakidetzak, sei medikuren kontratuak eten baititu.
Horrez gain, Osakidetzak profesional guztien baldintzak okertu nahi dituela kritikatu dute ospitaleko langileek: kontratu mistoak eskaini dizkiete, alegia jardunaren erdia lehen arretan eta beste erdia larrialdietan egin dezaten. Plantilla osoak erabaki du baldintza horiei uko egitea: “Kontratu misto hauek orokortzen ari da Osakidetza, eta sentsazioa dugu edozein hutsune betetzeko fitxa bihurtu nahi gaituztela; pazienteak artatzeko kalitatea jaistea dakar horrek”.
ELA sindikatuaren hitzetan, Osakidetzak argudiatu ohi du profesionalak falta direla eta langileak kontratatzeko arazoak dituela, baina atzean benetan dagoena “eskaintzen diren lan baldintzak” dira, eta “inoiz baino profesional gehiago ari dira sistematik ateratzen, bertan ez baitute aurkitzen bizi-proiektu duin bat eramateko lan baldintza egokirik”. Lan baldintzez hitz egiteko eta sei medikuak berriz kontratatu ditzala eskatzeko, ELAk urgentziazko bilera eskatu dio Barrualde-Galdakao ESIko zuzendaritzari. Mobilizazioen aukera ere mahai gainean jarri du sindikatuak.
“Basurtuko ospitalea desegin nahi du Jaurlaritzak”
Bestalde, Basurtuko bihotz kirurgia zerbitzua itxi eta Gurutzetako ospitalean kontzentratzeko asmoa du Osakidetzak, duela gutxi kontatu genuenez. Azaroaren 17an egin nahi zuen lekualdaketa, baina auzia ebatzi bitartean prozesua geldiarazi du Gasteizko epaitegi batek, kautelazko neurri gisa.
Orain, Basurtuko ospitaleko 38 zerbitzu buruetatik 36k eskutitz irekia sinatu dute, Eusko Jaurlaritzako Osasun sailburuak bihotz kirurgia zerbitzua beste ospitale batera eramateko eman dituen argudioak gezurtatuz. Besteak beste, medikuek diote kirurgia zerbitzua leku bakarrean kontzentratu eta zenbat eta paziente gehiago izateak orduan eta emaitza hobeak izango dituela esateko inongo frogarik ez duela Jaurlaritzak. Kirurgia zerbitzua kentzen badiote, Basurtuko ospitalearen etorkizuna “oso ziurgabea” izango dela diote medikuek, eta salatu dute Jaurlaritza Basurtuko ospitalearen desegitea eta osasun sistemaren pribatizazioa prestatzen ari dela.
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
Barakaldoko ospitaleko larrialdi zerbitzuan sufritzen ari diren "saturazioa larria" dela ohartarazi du sindikatuak. Pazienteak korridoreetan artatu dituztela eta krisia kudeatzeko "behar adina langile" ez dagoela salatu du. Errealitate horren aurrean... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
Bizilagunek "egia eta politika" merezi dutela adierazi dute, oraindik konponbiderik bilatu ez zaizkien arazo ugari edukitzen jarraitzen baitute. Ikasketei eta osasun arretari loturiko arazoak nabarmendu dituzte.
Alberto Martínez Jaurlaritzarne osasun aholkulariak jakinarazi du erabakia, Gasteizeko Legebiltzarrean. Langile guztiak subrogatuko dituztela ere esan du.
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
Milaka pertsona kalera atera dira larunbatean, Eusko Jaurlaritzari eta Osasun Sailari "konponbide errealak" eskatzeko, Osakidetzaren arazo estrukturalak konpon ditzaten.
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.