Lan-istripuak eta prekarizazioa salatzeko elkarretaratzea egin dute sindikatuek Bilbon
ELA, LAB, ESK, Steilas, EHNE eta Hiru sindikatuek gaur egindako elkarretaratzean salatu dute administrazio publikoak ez duela neurririk hartzen istripuak ekiditeko. Aurten 42 langile hil dira lanean, horietatik sei abuztuan.
Hainbat sindikatuk lan istripuen eta prekarizazioaren aurkako elkarretaratzea egin dute gaur Bilboko Eusko Jaurlaritzaren egoitzaren parean, Lan istripu gehiagorik ez! Prekarietatea, hiltzailea lelopean. Salatu dute administrazio publikoak entzungor egiten diela beharginen osasuna bermatzeko eskatutako neurriei.
Aurten 42 langile hil dira lan istripuetan Euskal Herrian. Larunbat honetan gertatu da azkena: Derion gizonezko bat zendu da konpontzen ari zen teilatutik erorita.
ELA sindikatuaren ustez, prekarietate-egoera “lan-erritmo jasanezinetan, lanaldi amaigabeetan, sektoreko hitzarmenen ez-betetzeetan eta prebentzioko araudian islatzen da”, eta bien bitartean instituzioek "beste alde batera begiratzen dute”. LAB bat etorri da. Azken hilabeteetakoak “segurtasun neurriak hartuz ekidin daitezkeen istripuak” izan direla azaldu du, baina administrazio publikoa ez dagoela prest legedia aldatu edo betearazteko.
Bereziki garaiera batetik erorita gertatzen diren ezbeharren prebentziorako araudia izan dute hizpide LAB sindikatutik. 2010. urtean, Jaurlaritzak “Lotu” programa jarri zuen martxan istripu horiek saihesteko; pasa den urtean, Behatokia abiatu zuten, prebentzioa helburu. “Zeintzuk dira emaitzak? Bakarrik dirua banatzea eta antzerkia: badirudi zer edo zer egiten dutela, baina praktikan ez dute ezer egiten. Hori ez da bidea”.
Istripuekin bukatzeko modu bakarra “borroka eta antolakuntza” direla azaldu du sindikatuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.