Lan Ikuskaritzan salatu dituzte Gasteizko Final Four-aren antolatzaileak
Europako saskibaloi txapelketaren finala Gasteizen egingo da maiatzean, eta berau antolatzeko 4 milioi euro jaso dituzten arren, doan (ez otordu, ez garraio, ez bestelakoei aurre egiteko ordainsaririk jaso gabe) lana egingo duten 170 boluntario eskatu dituzte. Lege iruzurra izan daitekeelakoan, Lan Ikuskaritzan salatu dute, Hala Bedik jaso duenez.
“Boluntario” figura hori salatuz eskutitza igorri dio Elkarrekin Podemos alderdiak Lan Ikuskaritzari, figura horrek “lan kostuak ezabatu eta etekin enpresariala handitzea” beste helbururik ez duela iritzita. Are gehiago, alderdiak nabarmendu duenez, 170 “boluntario” horietatik zortziri sei egunetan txapelketan lan egiteko erabat libre egotea eskatzen zaie, nahiz eta txapelketak hiru egun iraun.
EH Bildu ere kritiko agertu da antolatzaileekin, eta nabarmendu du finalerako hitzarmenak eta kanonak ez dutela BEZa ordaindu beharko. “Pribilejio” hori salatu du koalizioak.
Ostatua, otordua edota garraioa kobratu gabe Euroligarako egun horietan lan egiten duenak dirua bere poltsikotik jarri beharko du beharbada. Bitartean, lau milioi euro jaso dituzte antolatzaileek: hiru milioi Arabako Aldundiaren eta Eusko Jaurlaritzaren eskutik, eta milioi bana Gasteizko Udalaren eta Baskonia saskibaloi taldearen eskutik.
"Ikuskizun handi bat gorpuzteko beharrezko elementua jendea da, eta Gasteizko Final Fourrean horrelakorik apenas izan dugu."
Eusko Jaurlaritzaren txosten juridiko baten arabera, Gasteizen Euroligako Final Fourra antolatzeko hitzarmena ez da legezkoa hainbat puntutan. Aurretik, Gasteizko Udaleko zerbitzu juridikoek ere antzeko zerbait adierazi zuten.
Maiatzaren 17, 18 eta 19an antolatuko dute Europako saskibaloi txapelketaren finala Gasteizen. Antolakuntzak jakinarazi duenez, egun horietan 170 lagun behar dituzte "boluntario" lan egiteko. Ez dute bidaiarik, ostaturik eta diru-saririk jasoko trukean. Hala Bedik jaso... [+]
Gasteizko Udalaren bi txosten teknikok zalantzan jarri dituzte bertako instituzioek Euroligarekin sinatutako akordioaren hainbat puntu, Arabako hiriburuak jasoko duen 2019ko Final Four saskibaloi finalaren harira, SER irratiko kazetari Iker Armentiak jakinarazi duenez.