Lan-hitzarmenean lortutako akordioak bermatuko dituzten foru aurrekontuak eskatu dituzte Apdemako langileek
Asteartean, Arreta goiztiarreko zerbitzuko langileek elkarretaratzea egin dute Arabako Batzar Nagusien aurrean, Apdemarekin lortutako lan-hitzarmenaren akordioak bermatuko dituzten foru aurrekontuak eskatzeko.
Mobilizazio zaratatsua egin zuten asteartean Arreta goiztiarreko zerbitzuko langileek Arabako Batzar Nagusien aurrean, lan-hitzarmenaren negoziazio kolektiboan Apdemarekin lortutako akordioak bermatuko dituzten foru aurrekontuak eskatzeko. Apdema elkarteak Arreta goiztiarreko zerbitzua kudeatzen du lankidetza-hitzarmen bidez. Zerbitzu horren finantzaketaren ardura Gizarte Ongizaterako Foru Erakundearena da eta horren esku dago langileen lan baldintzak eta zerbitzuaren kalitatea bermatuko dituen aurrekontuak onartzea.
Elkarretaratzea Arabako Batzar Nagusietan egin zuten, Gizarte Ongizaterako Foru Erakundearen aurrekontuen zuzenketa partzialak bozkatu zituelako asteartean Gizarte Ongizaterako Batzordeak. Elkarrekin Podemos eta Alderdi Popularreko batzarkide taldeek zuzenketa bana aurkeztu zuten, 350.000 euroko aurrekontuarekin, Apdemako Lan Hitzarmenean sinatutako lan baldintzak bermatzeko. Mobilizazioarekin EAJ eta PSEk ere aldeko botoa eman dezatela lortu nahi zuten langileek: "Apdemako langileok lehen lerroan gaude egungo pandemian, eta EAJk eta PSEk ikusezin egiten gaituzte Arabako aurrekontuetan, horregatik entzungo gaituzte", azaldu dute.
"Gogoratu behar da Apdemako profesionalek foru titulartasuneko oinarrizko zerbitzu publikoetan lan egiten dutela, eta zerbitzu horien erantzukizuna Gizarte Ongizaterako Foru Erakundeari dagokiola, eta, beraz, zerbitzu horiek finantzatzeko erantzukizuna administrazioarena baino ez dela", adierazi dute Apdemako langileek. Hala ere, gogorarazi dute Gizarte Politiketako Diputatu Emilio Solak aurreratu zuela ez zutela aurreikusten dibertsitate funtzionalaren sektoreko langileentzako igoerarik. Horrela, azpikontratatutako langileen soldata-arrakala areagotzen ari direla salatu dute langileek, eta ez dutela errespetatzen Apdemako negoziazio kolektiboan lortutako aurreakordioa.
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]