“Lan hitzarmen duinaren alde” mobilizazioei ekin die Arabako ardogintza sektoreak
LAB, UGT, ELA eta CCOO sindikatuek mobilizazioak egin dituzte asteazkenean Arabar Errioxan. Arabako ardogintza sektoreko hitzarmenak sinatu gabe jarraitzen du dagoeneko 22 hilabetez luzatu diren negoziazioen ostean.
Sindikatuek deitua, kotxe karabana batek Arabar Errioxa zeharkatu zuen asteazkenean, Bastidatik Oionera, Eskuernaga, Samaniego, Biasteri, Zieko eta Lapuebla de Labarka herriak igaroz. LAB, UGT, ELA eta CCOO sindikatuek «benetako negoziazio bat» eskatu diote patronalari 22 hilabeteren ostean oraindik sinatu gabe dagoen hitzarmena sinatzeko.
2016, 2017 eta 2018 urtetarako sinatuta zegoen hitzarmena iraungita, 2018ko abenduan ekin zioten hitzarmen berriaren negoziazioei. Hilabete luzez akordio gabe egon ostean, 2020ko martxoan gertu zegoen hitzarmen berriaren gaineko adostasuna, gai sozialen inguruko puntu batzuk eta urteroko igoera potentzialak zehaztea faltan. Pandemiaren etorrerak, ordea, geratu egin zituen elkarrizketak.
Uztailaren 15etik dago etenda mahai negoziatzailea, egun horretan egin baitzuten sindikatu eta patronalaren arteko azken bilkura. Sindikatuek ordura arte adostuta zeuden alderdi sozialak ontzat ematea eta 2019ko igoera sinatzea proposatu zuten, irailean berriz batzartu eta hurrengo bi urtetako igoerak lotzeko konpromisoarekin.
SEA patronalak proposamenak jaso eta uztailaren 29an batzartzeko konpromisoa hartu bazuen ere, bezperan bertan behera utzi zuen bilera hori sindikatuen proposamena onartezina zela iritzita.
Mobilizazioak lan baldintza duinen alde
Sindikatuek mobilizazioei ekin diete lan hitzarmen duin bat eskatzeko, Sektoreko hitzarmenaren berritzea «upategien borondate faltaren arazoa baino ez da». Egoerak horrela jarraitu ezkero mobilizazioak «gogortu» egingo dituztela gaineratu dute.
Ulergaitza deritzote patronalak 2019ko soldata igoerari uko egin izana: «Iaz ez zen pandemiarik egon, ardoa saldu egin zen eta irabaziak enpresarien poltsikoetan daude».
Covid-19ak ziurgabetasuna sortu badu ere, sindikatuek azaldu dutenez, irailaz geroztik upategi guztiak %100ean ari dira lanean, mahatsa koste prezioan erosiz, ardoaren prezioak gora egiten jarraitzen duen bitartean.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
SPRI sozietatearen eraikinaren aurrean elkartuko dira langileak hurrengo asteko ostiralean.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Arriskuan dauden BSH, Sunsundegui, Nano Automotive, Siemens Gamesa, Tenerias Omega, Tasubinsa eta Volkswagen enpresetako langile batzordeek haien egonezina azaldu dute eta Nafarroako Gobernuari "benetan bermatzailea den legeria bat artikulatzea" eskatu diote.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.