“Lan gutxi egin behar dugu”
Olatukoopeko kide den Beñat Irasuegik hitzartze hau egin zuen ekainaren 26an Usurbilen, ekonomia sozial eraldatzaileko erakundeen Saretze Egunean. "Normaltasun berria hauxe izango da: indibidualizazio gehiago eta sumisio gehiago. Prest zaudete normaltasun berria onartzeko?" galdetuz hasi zuen hitzartzea.
Bideo laburra da eta merezi du osorik entzutea. Jarraian, bideoko ideia batzuk baizik ez ditugu jaso.
"Ez gaude bakarrik, hori da albiste ona. Baina kosta egiten da gure parekoak identifikatzea. Olatukoop hori ere bada, identifikatzea zein diren nirekin batera normaltasun berri hori nahi ez dutenak". Bizitza erdigunean jartzeaz asko hitz egiten den garai honetan, "bizitzen ari garen prozesua justu kontrakoa da, heriotza erdigunean jarri da. Hau da, gaur egun botere ekonomiko eta politikoek erabakitzen dute nork duen eskubidea bizitzeko eta nork ez. Hori nekropolitika da. Gu justu kontrako ibilbidean gaude: guk bizi nahi dugu eta erabaki nahi dugu nola bizi nahi dugun".
Eten eder baina laburregi hura
Irasuegik gogoratu zuen konfinamenduko lehen egunetan sentitu izan genuen sentsazio iragankor hura: Etenarena. "Momentu batean fantaseatu ere egin genuen eten luze batekin. Eten eta gelditu dadila hau, eta gero ikusiko dugu zer egin. Baina eten hori ere ez digute utzi, eta eten behar dugu sistema hau, denok sentitu dugu horrela ezin dela bizi, eta egin arazi nahi diguten bizitza ere ez da bizigarria". Eten zertarako? "Bizitzeko eta gozatzeko".
"Bizitza harremanez eta komunitateaz gozatzeko"
Kooperatibagintzan tabua dena astindu zuen Irasuegik, bizitza zertarako den galderari erantzunaz: harremanez eta komunitateaz gozatzeko dela bizitza azaldu zuen, eta horretarako denbora behar dela, eta lan gutxiago eginda irabazi behar dela denbora... "ez dugu lortzen eta lan asko egiten dugu gauzak aldatu nahi ditugulako, baina lan gutxi egitea edo lanik ez egitea eta gozatzen dugun horretan lan egitea eskubide izan behar da, hori da guk lanaren burujabetzaz ulertzen duguna: nahi dugun horretan nahi dugun denboraz lan egitea, denbora izateko".
"Zergatik egon dira eskolak martxan? Egon behar zuten? ez zen hobe hasieratik iraileraino etetea? Horrek eraman du etxeetan rodillo martxan izatera eta harremanak erretzera".
"Kontziliazioa gezur handi bat da"
"Kontziliazioa ezin dugu onartu" adierazi zuen, "kontziliazioa onartzeak esan nahi baitu onartzen dugula bizitza eta lana bateraezinak direla, eta behar ditugula tresnak bateraezina den hori bateratzeko. Gure buruari tranpa jartzen ari gara eta muga oso itxia, harago joan behar dugu".
Mutualismoaren aldeko defentsa egin zuen bukatzeko: "Etorkizunean, zaintza beharrak ditugunean, etxera eramango dugu berriz arazoa, familietan ezkutatzeko? Erronka komunitario handia dugu zaintzan: gai izango gara 20 urte barru zaintza komunitario-publiko indartsu bat izateko?".
"Bakoitzak bere ahalmenen arabera, bakoitzari bere beharren arabera"
Beste mundu ikuskera bat duenez, Olatukoopek diskurtsoa plazaratzen ere lan egin behar duela adierazi zuen eta ARGIAk Argia Jendearekin duen filosofia dela bere ustez oinarria: "Bakoitzak bere ahalmenen arabera, bakoitzari bere beharren arabera. Eman dezagun bakoitzak ahal duguna momentu bakoitzean eta eskatu dezagun behar duguna, baina alor guztietan eta modu kolektiboan, harako bizardun ezagun hark zioen moduan".
"Ziurtasun beharraz baliatzen den nekropolitika"
Ziurtasunak guztiok behar ditugula baina nekropolitika horretaz baliatzen dela azaldu zuen Irasuegik: "Ziurtasunik ez dagoenean ziurtasun faltsuak sortzen ditu, autoritarismoa eta ildo politiko oso arriskutsuak indartzeko. Guk eman behar ditugu ziurtasunak, baina guk eraikitakoak, eta hor dago erronka. Ziurtasun berri horiek identitarioak eta materialak izan behar dute, bietatik behar da".
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]