ELA, LAB, Steilas, ESK, Etxalde eta Hiru sindikatuek Hego Euskal Herriko hiriburuetan egingo dituzte protestak 12:00etan. Salatu dute langile klasearen pobretzea eragiten duten tresna ia guztiak mantentzen dituela Espainiako Gobernuak patronalarekin eta CCOO eta UGT sindikatuekin adostutako hitzarmenak.
‘Lan erreforma honi ez’ aldarrikatuko dute urtarrilaren 30ean Iruñean, Donostian, Bilbon eta Gasteizen. ELA, LAB, Steilas, ESK, Etxalde eta Hiru sindikatuek manifestazio bateratuak deitu dituzte Espainiako Gobernuaren lan erreformaren aurka, besteak beste. Ohar batean kritikatu dute PSOE eta Unidas Podemosek CEOE patronalarekin eta CCOO eta UGT sindikatuekin hitzartutako akordioak ez duela 2012ko PPren lan erreforma indargabetu: “Urardotutako akordio bat hobetsi dute langile klasearekin hartutako konpromisoa bete beharrean”.
Bi elementu nabarmendu dituzte: batetik, negoziazio kolektiboetan ez diotela segurtasun juridikorik eman EAE eta Nafarroan negoziatzen direnei, eta “estatuko marko inposatzailea” mantentzen dutela; bestetik, eskatu dute sektoretako lan-hitzarmenak enpresakoen gainetik egotea arlo guztietan, ez soilik soldatetan.
Salatu dute lan erreforma Hego Euskal Herriko gehiengo sindikala kontuan hartu gabe egin dela, eta Espainiako Estatuko hitzarmenak nagusitu direla, euskal negoziazio kolektiboa oztopatuta. Madriletik kanpoko irtenbidea proposatu dute: "Euskal Herrian lan harremanetarako esparru propioa eratzeko urratsak eman beharra dago". Instituzioei eskatu diete "ikusle soil" izateari utzi eta horren aldeko neurriak hartzeko.
Sindikatuen aldarrikapenen artean dago kaleratze erraz eta merkeak bertan behera uztea: “Kaleratzeen araudia aldatu behar da; arrazoiak gogortuz, lan-agintaritzaren eginkizuna berreskuratuz edo kalte-ordainak handituz, besteak beste”, zehaztu dute.
Elkarretaratzeak honako lekuetatik abiatuko dira, 12:00etan: Bilbon Moyuatik, Donostian Alderdi Ederretik, Gasteizen Bilbao Plazatik eta Iruñean autobus geltoki zaharretik.
Finantzen Euskal Kontseiluak pasa den urteko diru bilketaren berri eman du. 2020an baino gehiago bildu da, eta balorazio ezin baikorragoa da. Datorren urtean politika publikoak egiteko diru gehiago izango dute instituzioek. Ez dute gezurrik esan. Baina egin daiteke bestelako... [+]
Nafarroan hazi omen da gehien soldata handien eta txikien arteko aldea. KPIaren hazkundea azken hamarkadetako handiena izan da 2021ean, eta hitzarmen duinak dituzten langileek ez dute eros ahalmenik galduko, baina gehienentzat ez da horrela izango. Arrakalak gora egingo du... [+]
Espainiako 2012ko lan erreforma derogatzeko baino, lege hori “berresteko” bozketa egin dute Espainiako Kongresuan –besteak beste Ciudadanosen aldeko botoekin–, hori salatu dute behintzat euskal sindikatu eta eragile ugarik. Izan ere, duela hamar urte... [+]
Ba joan den osteguneko lan-erreforma yolandikoaren botazioak harrapatu ninduen Shakespeareren Hamlet irakurtzen –ez galdu Juan Garzia Garmendiak egindako itzulpena, beste galaxia batera darama irakurketaren plazera–; eta Madrilgo diputatuak, saiatu behintzat, saiatu... [+]
Sayas eta Adanero diputatuek Espainiako Kongresuan lan erreformaren aurkako botoa eman dute, eta UPNk aktak itzul ditzaten eskatu die. Izatez, UPNk iragarri zuen babestu egingo zuela gobernu koalizioa, eta, ordainetan, PSNk bertan behera utziko zukeen “adierazpen... [+]
Espainiako Gobernuak CEOErekin eta CCOO eta UGT sindikatuekin adostutako testuari onespena eman dio ostegun arratsaldean Espainiako Kongresuak, baina Pedro Sánchezen inbestidura ahalbidetu zuten oposizioko alderdien babesik gabe oraingoan.
Espainiako Kongresuan lan erreformaren alde bozkatzea eskatu die UPNk bere bi diputatuei, eta horren lehen ondorioetako bat izan da PSNk Enrique Maya UPNko alkatea gaitzesteko egina zuen eskaera kendu egin duela. Gainera, udal aurrekontuak aldatzea ere babestuko dute alderdi... [+]
ELAk, LABek eta ESK-k EAJri eta Podemosi eskatu diete kaleratzeak bultzatzen dituen eta lan-harremanen esparrua errespetatzen ez duen lan-erreformaren aurka bozkatzea. Hala jakinarazi diete bi alderdi politikoei, gaur, urtarrilak 31, egindako bileretan. Bilera horiek EH... [+]
Hego Euskal Herriko lau hiriburuetan milaka lagun atera dira, Espainiako Kongresuan otsailaren 3an bozkatuko den "lan erreforma horri" ezetz esateko. ELA, LAB, STEILAS, ESK, Etxalde eta Hiru sindikatuek deitutako manifestazioetan salatu dute "Espainiako Gobernuak... [+]
Aste honetan salgai jarriko da produktu berri bat edo, bueno, produktuaren bertsio berri bat behintzat: Espainiako lan erreformaren erreforma. Trajea aukeratu behar da hori nola saldu asmatzeko. Eta iruditzen zait EAJk azken asteetan bi atera dituela bere armairu amaigabetik.
ESK-ko Koordinakunde Nazionaleko kideak ezkerrak gobernuan dagoenean dituen konplexuak salatzen ditu, eta kaleak berreskuratzeko jarrera irmoa azaldu du.
UGT Euskadiko Berdintasuna, Gizarte Politikak eta Aniztasuna alorreko idazkaria pozik agertu da akordioarekin, baina borrokatzen eta negoziatzen jarraituko dute.
CNTko Bilboko Ekonomialaria Elkarrizketa Sozialaren mahaian adostutako lan erreformaren kontra agertu da, ez dituelako iraultzen 2012ko erreformaren oinarriak
LABeko Ekintza Sindikaleko eta Negoziazio Kolektiboko idazkariak borrokaren bidez eragiteko aukera dagoela uste du, eta urtarrilaren 30eko mobilizaziorako deia egiten du.