Lan erreforma “sakona” egitea adostu du Espainiako Gobernuak
PSOEren eta Unidas Podemosen artean tentsioa eragin du lan erreformaren gaiak, baina azkenean Unidas Podemoseko Yolanda Diaz ministroaren eskakizunak kontuan hartuko dituztela adierazi dute. Urte amaierarako "egiturazko erreforma" egitea aurreikusi dute.
Espainiako Gobernu koalizioak konpromisoa hartu du PPren lan erreforma “indargabetzeko”; hitz hori erabili dute bi alderdiek adostutako itun politikoan. Yolanda Diaz Lan eta Gizarte Ekonomiako ministroak El Pais egunkariari azaldu dionez, teknikoki ezinezkoa da legea “indargabetzea”, baina praktikan esan nahi du “erreforma sakona” egin nahi diotela 2012an Mariano Rajoyren gobernuak egindako lan erreformari.
Azken asteetan tentsio ugari eragin ditu gaiak PSOEren eta Unidas Podemosen artean, baina asteartean Pedro Sanchez presidenteak eta Nadia Calviño Ekonomia ministroak onartu egin dituzte Diazen eskakizunak: mahai sozialean eragileekin adostutakoa errespetatuko dutela diote. Gobernuko bi aldeek espero dute azaro amaierarako “egiturazko erreforma” bat hitzartzea eta mahai sozialeko sindikatuekin eta patronalarekin negoziazioa abiatzea. Urte amaierarako lan erreforma prest egotea aurreikusi dute. Itun politikoak jasotzen duenez, “elkarrizketa bidezko akordio orekatu bat” lortu nahi dute: “Erreforma iraunkorra izateko bermea da, Europako Batzordeari Susperraldi Planaren baitan agindutakoa betez”.
Orain hasi beharko dute lan erreforma xehetasunez xehetasun zehazten eta legearen edukia idazten. Gobernu koalizioak azaldu duenez, erreformaren helburu nagusiak dira behin-behinekotasunarekin, prekarietatearekin eta langabeziarekin amaitzea.
Finantzen Euskal Kontseiluak pasa den urteko diru bilketaren berri eman du. 2020an baino gehiago bildu da, eta balorazio ezin baikorragoa da. Datorren urtean politika publikoak egiteko diru gehiago izango dute instituzioek. Ez dute gezurrik esan. Baina egin daiteke bestelako... [+]
Nafarroan hazi omen da gehien soldata handien eta txikien arteko aldea. KPIaren hazkundea azken hamarkadetako handiena izan da 2021ean, eta hitzarmen duinak dituzten langileek ez dute eros ahalmenik galduko, baina gehienentzat ez da horrela izango. Arrakalak gora egingo du... [+]
Espainiako 2012ko lan erreforma derogatzeko baino, lege hori “berresteko” bozketa egin dute Espainiako Kongresuan –besteak beste Ciudadanosen aldeko botoekin–, hori salatu dute behintzat euskal sindikatu eta eragile ugarik. Izan ere, duela hamar urte... [+]
Ba joan den osteguneko lan-erreforma yolandikoaren botazioak harrapatu ninduen Shakespeareren Hamlet irakurtzen –ez galdu Juan Garzia Garmendiak egindako itzulpena, beste galaxia batera darama irakurketaren plazera–; eta Madrilgo diputatuak, saiatu behintzat, saiatu... [+]
Sayas eta Adanero diputatuek Espainiako Kongresuan lan erreformaren aurkako botoa eman dute, eta UPNk aktak itzul ditzaten eskatu die. Izatez, UPNk iragarri zuen babestu egingo zuela gobernu koalizioa, eta, ordainetan, PSNk bertan behera utziko zukeen “adierazpen... [+]
Espainiako Gobernuak CEOErekin eta CCOO eta UGT sindikatuekin adostutako testuari onespena eman dio ostegun arratsaldean Espainiako Kongresuak, baina Pedro Sánchezen inbestidura ahalbidetu zuten oposizioko alderdien babesik gabe oraingoan.
Espainiako Kongresuan lan erreformaren alde bozkatzea eskatu die UPNk bere bi diputatuei, eta horren lehen ondorioetako bat izan da PSNk Enrique Maya UPNko alkatea gaitzesteko egina zuen eskaera kendu egin duela. Gainera, udal aurrekontuak aldatzea ere babestuko dute alderdi... [+]
ELAk, LABek eta ESK-k EAJri eta Podemosi eskatu diete kaleratzeak bultzatzen dituen eta lan-harremanen esparrua errespetatzen ez duen lan-erreformaren aurka bozkatzea. Hala jakinarazi diete bi alderdi politikoei, gaur, urtarrilak 31, egindako bileretan. Bilera horiek EH... [+]
Hego Euskal Herriko lau hiriburuetan milaka lagun atera dira, Espainiako Kongresuan otsailaren 3an bozkatuko den "lan erreforma horri" ezetz esateko. ELA, LAB, STEILAS, ESK, Etxalde eta Hiru sindikatuek deitutako manifestazioetan salatu dute "Espainiako Gobernuak... [+]
Aste honetan salgai jarriko da produktu berri bat edo, bueno, produktuaren bertsio berri bat behintzat: Espainiako lan erreformaren erreforma. Trajea aukeratu behar da hori nola saldu asmatzeko. Eta iruditzen zait EAJk azken asteetan bi atera dituela bere armairu amaigabetik.
ESK-ko Koordinakunde Nazionaleko kideak ezkerrak gobernuan dagoenean dituen konplexuak salatzen ditu, eta kaleak berreskuratzeko jarrera irmoa azaldu du.
UGT Euskadiko Berdintasuna, Gizarte Politikak eta Aniztasuna alorreko idazkaria pozik agertu da akordioarekin, baina borrokatzen eta negoziatzen jarraituko dute.
CNTko Bilboko Ekonomialaria Elkarrizketa Sozialaren mahaian adostutako lan erreformaren kontra agertu da, ez dituelako iraultzen 2012ko erreformaren oinarriak
LABeko Ekintza Sindikaleko eta Negoziazio Kolektiboko idazkariak borrokaren bidez eragiteko aukera dagoela uste du, eta urtarrilaren 30eko mobilizaziorako deia egiten du.