Lakaxita gune autogestionatua botatzeko asmoa du Irungo Udalak
Hirigintza plan batean zehaztu du egun eraikina dagoen lekuan lorategi bat jartzea. Gazteak arduradun politikoekin harremanetan jarri dira.
Egungo Lakaxitaren lursail berde zabalaz gain, eraikina kokatzen den lekuan zuhaitz batzuk landatzea proposatzen dute hirigintza planean. Lorategia metro karratu batzuk gehiago zabaltzeko, Udal Gobernuaren gehiengoak ezinbestekoa ikusten du eraikina eraistea. Horretarako, diru publikoko 1.300.000 euro gastatzeko asmoa dute Lakaxita osatzen duten lur eremua eta etxea bera erosteko.
Egoera horren aurrean, Lakaxitako kideak udalbatzara joan dira eraikinaren kontsolidazioa eskatzera. Hirigintza Batzordeko lehendakaria den zinegotziak beraiekin kontaktuan jartzeko interesa azaldu du, zuzenean Lakaxitan teknikari bat sartu asmoz. Gazteek, ordea, planaren eta beraien egoeraren inguruko bitartekaririk gabeko informazio zehatza eskatu diote: "Bertako beste edozein bizilaguni eman beharreko bidezko informazioa da". Lakaxitako asanbladara gonbidatu dute zinegotzia, baina ez da agertu ez delako teknikarien lan orduan sartzen. Egoera horren aurrean, gazteek jakinarazi dute aste honetan bilera bat egingo dutela udaletxean EAJko zinegotziarekin.
Elkarrizketa bide bat irekita egon arren, ohartarazi dute alkateak hedabideen bidez berretsi duela Lakaxita botatzeko asmoa: "Proiektuaren bideragarritasunaren izenean bertako etxebizitza gehienak mantentzeko asmoa dutela esan arren, armarritzat dituzten hiritarron eskubideak urratu eta informaziorako zein interpelaziorako ditugun eskumenak bortxatzen ari dira".
2012an onartu zuen Irungo Udal Gobernuak San Miguel eta Anaka auzoetarako hirigintza planaren lehen proposamena, eta iragan astean berretsi zuen bigarren moldaketa. Lakaxitako kideek salatu dute urte horietan guztietan ez beraiek eta ez gainerako auzokideek ez dutela egitasmoaren inguruko inolako informaziorik jaso, eta ez zaiela prozesuan parte hartzeko aukerarik eskaini.
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.