Laguntza humanitarioko hogei kamioi sartuko dira Gazan, baina gutxienez 100 behar dira NBEren arabera
Printzipioz ostiral honetan sartuko dira lehenbiziko hogei kamioiak Gazan. Abuztuan, egunero 400 kamioi inguru sartzen ziren.
AEBek puntua beraientzat apuntatu nahi dute eta ulertzera eman nahian dabiltza haiei esker sartuko dela laguntza humanitarioa Gazan –urriaren 7an eten zuen Israelek sarbidea, Hamasen erasoaren ondoren; lehen, eguneroko jarduna zen–. AEBetako iturriek diotena da Israeli presio egin diotela Egiptorekin batera, eta adostu dutela azkenean laguntza humanitarioen sistema berrartzea.
Gauzak ondo bidean, ostiralean sartuko dira lehenbiziko hogei kamioiak Gazan. Hondaturik daude inguruko errepideak, Egiptoren lurretakoak, Israelen bonbardaketen erruz. Zortzi orduko lana izango dela esan dute komunikabide arabiarrek.
Laguntza humanitarioa itzuliko dela zabaldu bezain pronto, azkar batean hitz egin du baina nahiko baxu kexatu da Nazio Batuen Erakundea. Alde batetik "pozik", gutxieneko zerbitzu batzuk sartuko direlako, baina beste alde batetik ez direla nahikoa esan du; gutxienez 100 kamioi beharko lirateke haien arabera. AEBek diotena da "hasteko modu bat" dela.
Israelen enegarren eskalada aurretik, egunean 400 kamioi
NBEren parte den UNRWA agentziak –errefuxiatu palestinarren gaietan aritzen da– adierazi du 12.000 kamioi pasatu zirela guztira Egiptotik Gazara. Alegia, eguneko 400 inguru. Gehien-gehienak, ordea, Kerem Shalom pasabidetik igaro ziren, eta gaur egun itxita dago. Irekiko dutena bigarren pasabiderik handiena da, Rafah-ekoa.
Ura, jatekoa eta hornigai medikuak, baina erregairik ez
AEBek esan dute "ordu luzeko negoziazioa" egin dutela Israelekin. Adostu dutena da ura, jatekoa eta medikamentuak ahalbidetzea, baina erregairik ez, Israelek uste duelako Hamasek erabiliko duela lehergailu gehiago fabrikatzeko.
Beraz, anbulantziek funtzionatu ezinda jarraituko dute, eta larrialdi kasuetan eta elektrizitateak huts egiten duenean, ezer gabe geratuko dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Save the Children erakundearen esanetan, Gaza iparraldeko 130.000 haur artatu gabe daude 50 egunez, gutxienez.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]