Lagun kuadrilla talde kriminal bihurtzea salatu dute Arrotxapeako manifestazioan
Maiatzaren 8an ehunka lagun bildu dira Iruñeko Arrotxapea auzoan egindako manifestazioan. Apirilaren 27an atxilotutako gazteei elkartasuna adierazi nahi izan diete. Atxilotuak aske utzi ondoren, operazioa “zigor operazio” bihurtzea salatu dute.
Ehunka lagun bildu dira manifestazioan, pankartak “Erasoen aurrean klase elkartasuna. Ez zaudete bakarrik” dioela. Manifestazioaren ondorengo elkarretaratzean bi gaztek manifestua irakurri dute. Haiek adierazitakoaren arabera, polizia operazioak aurrera jarraitzen du, orain prozesu judizial bihurtuta. Zigor operazioa deitu diote, bai atxilotuentzat baita inguruarentzat ere hala bihurtu delakoan. Helburu argia dutela diote: beldurtzea.
Leporatu zaizkien ekintzak kontuan hartuta, polizia operazioa neurriz kanpokoa dela iritzi diote: “Zoritxarrez, erabili duten modus operandi-a ohikoa da eta ohituta gauzkate horrelakoetara”. Manifestua irakurri duen gazteak etika periodistiko falta ere salatu du.
Manipulazioaren bidez, auzoko lagun taldea talde kriminal bihurtu nahi izan dutela diote. Arrotxapea auzoa eraso izana ez dela kasualitatea uste dute, baina gertatutakoa auzotik harago doala azpimarratu dute.
Klase menperatzaileak herritarrak kontrolatuta eta disziplinapean izatea erabaki duela diote, herritarrak orokorrean eta batik bat gizarte sektore proletarioak eta auzoak. Eta bereziki gazteak kriminalizatu dituztela azpimarratu dute. Politika egiteko modu baten aurkako erasoak direla salatu dute eta horren aurrean klase solidaritatea aldarrikatu dute horrelako gertaerak saihestu ahal izateko.
Atxiloketak apirilaren 27an
Apirilaren 27an hamar gazte atxilotu zituen Espainiako Poliziak Iruñeko Arrotxapea auzoan, "talde kriminala" osatzea eta "desordena publikoak" leporatuta. Bi gau atxilo pasa eta epailearen aurrean deklaratu ostean, aske geratu ziren apirilaren 29an. Espainiako Poliziaren esanetan, egituratua eta iraunkorra den eta ekintza bortitzak antolatzeko helburua duen talde kriminal baten parte dira atxilotuak; "GKSren inguruko kale borroka taldea" izatea leporatzen die. Poliziak adierazitakoaren arabera, urtebetez aritu da gazteak ikertzen.
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]