Lagardek protestarako arrazoi gehiago eman ditu
Protesta artean etorri zen eta protesta artean agurtu. Eta tartean, protesta gehiago eragingo dituzten neurriak proposatu zituen: Nazioarteko Diru Funtseko zuzendari Christine Lagardek ontzat eman zituen Espainiako gobernuak azken urteetan langileen eskubideak murrizteko hartutako erabakiak —Espainiako lan erreforma, kasu—, baina ildo horretan sakontzeko eskatu zuen.
“Azken urteetako ekintza bikainen ondorioz Europa eta Espainia norabidez aldatzen ari dira”, esan zuen Lagardek astelehenean Bilbon egin zen Global Forum Spain topaketan. Eta behin txaloa jota, “Gerrikoa gehiago estutu” goiburu duen diskurtsoa atera zuen paper zorrotik. “Hazkundeak oso txikia izaten jarraitzen du eta langabeziak oso altua. Ezin da oraindik krisia garaitu dela esan”. Beraz, Lagarderen ustez, errezeta neoliberalez enpo egiten jarraitzea dagokio Espainiako Estatuari.
Zeharkako zergak igotzeko premia nabarmendu zuen zorpetzea eta defizita gutxitu ahal izateko (nahiz eta Madrilek dagoeneko bitan igo duen BEZa, adibidez: %16ra lehenbizi eta %21era gero), Ivan Santamaria kazetariak Berrian egin duen kronikan gogora ekartzen duen legez. Gizarte kotizazioak murrizteko ere eskatu du Lagardek kronika horretan irakurtzen denez, soldata txikienak dituztenei bereziki.
Ez zen Lagarde izan orraze estuagoa pasatzeko eskatu zuen bakarra: Jeroen Dijsselbloem Eurotaldeko presidenteak Espainiako Estatuko lan merkatua “malgutzeko” beharraz hitz egin zuen.
Kontrako protestengatik salbu, nazioartean oihartzun eskasa izan duen topaketa baliatu du Mariano Rajoyren gobernuak azkenaldian saldu nahi duen mezua zabaltzeko: Espainia krisitik ateratzen ari dela eta orain benetan dela, ez Jose Luis Rodriguez Zapaterok “kimu berdeez” hitz egin zuenean bezala.
Esloganak medio jakin batzuetan titularren bat bete dezake, baina atzo Bilboko kaleei zerien suak erakusten du herritarrek ez dutela horrelako aporik irentsiko.
Iñaki Montes (Basauri, 1971) JEZ enpresako langilea eta sindikalista da. 2014ko martxoaren 3ko FMIren (Nazioarteko Moneta Funtsa) aurkako manifestazioan atxilotu zuten eta 5 urteko kartzela zigor eskaerari aurre egin beharko dio hurrengo astean izango duen epaiketan... [+]
Azaroaren 17an Laudion ehunka lagun elkartasun adierazi zioten Iñaki Montes sindikalistari. Montesentzat eta beste bi lagunentzat bosna urteko kartzela zigorra eskatzen dute 2014an Troikaren aurka Bilbon eginiko protesten harira.
Iker Egiraun bilbotarra epaitua izango da martxoaren 31n, 2014ko martxoaren 3an Bilbon egin zen Global Forum Spain bilkuraren kontrako istiluengatik. Egi Libre plataformak elkarretaratzea deitu du 10:30ean Buenos Aires kaleko epaitegiaren aurrean.
UKBERRI.NET Bizkaiko Uribe Kosta eta Erandioko agerkari digitaleko kazetari Iñigo Fernandez de Martikorena atxilotu du Ertzaintzak, martxoaren 3an, Bilboko Goi Bilera Ekonomikoaren aurkako istiluen harira.
Berrikitan Bilbon izan da Troika (ELGA, NDF, EB), bankuen eta enpresa multinazionalen ordezkariekin, hala nola Madril eta Gasteizko gobernuen exekutiba gorenekin. Horrek milaka laguneko protesta sindikal eta soziala eragin du.
Beste aukera galdu bat. Eta enegarrena da. Nor garen eta zer nahi dugun adierazteko mundu mailan. Ez dakit nork antolatua izan den efemeride ekonomikoa, FMIk edo Espainiako Gobernuak, eta berdin dio, azken batean.
Gaur bilduko dira Guggenheimen Espainia 2014 Foro Globala osatzen duten munduko agintari ekonomiko nagusiak. Hainbat kolektibok deituta protestak izango dira Bilbon. ARGIA zuzeneko jarraipena egiten ari da.
Martxoaren 3an Bilbon egingo den GFS (Global Forum Spain) goi-bilera ekonomikoaren aurrean alderdi, sindikatu, gazte mugimendu eta eragile sozialek ongi etorri berezia egingo ei diete munduko agintari eta jauntxoei. Aspaldi ikusi gabeko karteldegi anitza zabaldu dute Euskal... [+]
Martxoaren 3an, Foro Global España 2014 gailurrean elkartuko dira munduko enpresa eta finantza erakunde nagusien ordezkariak. “Troikari eta bere lagunei” ongi etorria egiteko mobilizazio ugari antolatu dituzte eragile sozialek.