Laborarien jatetxea Baionako bestetan
Uztailaren 24 eta 28 artean, besta egin ondoren edo artetik, etxean bezain untsa jaten ahalko da Baionan, aurten lehen aldiz antolatzen den Laborarien Xokoan. ELBko laborariak Xaho kaian izanen dira bost egunez, bestazaleei ekoizpen goxoak eskaintzeko.
Herriko etxearen nahikeria izan da kalitatezko janariaren eskaintza proposatzea Baionako besta denboran. ELBk deialdiari ihardetsi du eta bost egunez sindikateko kideek lan eginen dute euskal laborantzak eskaintzen duen hoberenarekin plater goxoak prestatzeko. “Besta denboran, ainitzek zer nahi jaten dute bainan ez baitezpada berdin zaielako. Kalitatezko platak proposatuko ditugu, hain segur kalitate gutiago duten platen prezio berdinean, eta naski publikoa atxemanen dugun”, dio Panpi Sainte Marie, ELBko idazkari nagusiak.
Laborariek paradaz baliatu nahi dute ere lekuko laborantxak eskaintzen duen hautu haundia jende zabalari ezagutarazteko. “Eskutan ukanen dutenaren gustu ona izanen da lehen lotura. Ondotik esperantxa dugu, orroitzapen on horri esker, jendea ohartuko dela gastronomia mailan zinezko altxorrak badirela Euskal Herrian. Tokiko jendeari pentsatzen dut kanpokoari baino gehiago, ainitzetan hiritarrek ez baitute ezagutzen ere zer ekoizten dugun”, azpimarratzen du Landibarreko laborariak.
Prestaketan ari dira jo ta ke laborariak. Plata bero eta hotzak eskainiko dituzte, izan gazi edo sukratuak. Idokiko ekoizpenek leku nagusia izanen dute osaketan. Arroltze moleta, atzarkia, xerrikia, entseladak proposatuko dira besteak beste. Euskal Herria Zuzenean festibalean estrenatu den Etxeko burger ogitarte berezia hamarnaka ekoiztuko da hain segur bost egunez. Donibane Lohizuneko Batteleku kontserberiari esker, lekuko arrantzaleek bildu arrainkia moldatuko dute ere.
Bestarik ezin baita izan talorik gabe, plantxak berotuko dira Herriko irinarekin egin taloen pean, Arrosa edo Gamarteko behi gasna hurtuko delarik gainean. Gasna desberdinak, ardi esnez egin izozkiak, euskal bixkotxa... jaten ahalko dira ere edozoin tenoretan. Eta lekuko arno, garagarno eta sagarnoek lixeritzea lagunduko dute.
Etxerateko bidean izanen den bestazalearendako, Idoki ekoizpen salmenta proposatuko da ostatu ondoan. Euskal markaren gama guzia atxemaiten ahalko da lekuan berean. "Laborarien Xokoa-le Comptoir paysan" izeneko tokia egun guziz idekia izanen da uztailaren 24tik, asteazkena, 28rat, igandea, goizeko 11etatik aratseko 11etarat. Laborariek sortzen dakiten giro ona nagusituko da Xaho kaiako gune hortan.
Bestaren artetik laborantxaz doi bat ikasi nahiko duenak, hainbat informazio atxemanen du ere Laborarien Xokoan, hor janari esker, ondorio emankorrak izan diten Euskal Herriko ekoizpenendako, hots, kontsumitzaileek inguruan duten laborantxaz ohar diten.
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]