Laborariek protesta burutu dute Mauleko hiltegiaren alde
Lekuko laborarientzat ezinbestekoa den Mauleko hiltegia mehatxaturik izanik, elkartasuna adierazteko mobilizazioa burutu dute hamarnaka laborarik. Orokorkiago, egunez egun zabalduz segitzen du laborarien protestak, eta Bruselan izan dute ostegun honetako hitzordu nagusia, Europako Batasunaren bileraren kari.
Karrikara atera eta errepideak blokeatzeko arrazoiak ez dituzte eskas laborariek. Asteazkenean ere protesta eraman dute, aldi honetan mehatxaturik den Mauleko hiltegiaren alde. Hain zuzen, hiltegiaren kategoria apaltzeko mehatxua egin berri du Herritarren Babeserako Departamenduko Zuzendaritzak (DDPP), higiene eta segurtasun arau batzuk errespetatzen ez dituelakoan. Horrek ondorioak lituzke eguneroko aktibitatean eta zerbitzua ordaintzeko prezioetan –hiltegiaren behin betiko hestea ere hurbilago jarriz–. "Administrazioaren presioa" salatzeko asmoz demisioa aurkeztu zuen urtarrilaren 24an enpresako administrazio kontseilu osoak.
Sindikatuetatik at landuriko elkartasun deiari erantzunez, 150 bat laborari elkartu dira asteazkenean Mauleko hiltegiaren aitzinean. Hortik, Baionarantz abiatu dira, auto ilarak eraginez autobidean. Leku estrategikoetan entzunarazi nahi izan dute haien kexua: Suprefeturan, Euskal Hiri Elkargoan...
Jean Rene Etxegarai Euskal Hirigune Elkargoko lehendakariarekin bildu badira ere, ez dute elkarrizketaren balorazio baikorrik egin. Ondokoa adierazi dio Pierre Diarze Domintxaineko laborariak Berria egunkariari: "Ez dugu gauza handirik ateratzen bilkura horretatik, gure arazoak entzun dituzte, baina diotena da ezin dituztela gauzak fiteago egin, Estatua dela arduraduna. Guretzat, horiek estakuruak dira, ez dugu gehiago denborarik igurikatzeko, etxalde anitz zailtasun handian baitira". Etxegaraik bere aldetik, baieztatu die hiltegia mantentzearen alde dela Hiri Elkargoa eta bilkura batera deituko dituela alde guztiak –laborariak, Hiri Elkargoa, DDPP eta Frantziako Estatuko ordezkariak–.
ELBk bat egin du protestarako deiarekin: "Tokiko tresna baitezpadakoa dugu hazkuntzarendako, bereziki Zuberoan. Gaur egun, zailtasunak handituz doaz hazkuntza sail ezberdinetan eta zailtasun horien parean, etxalde ainitzek dituzte haien ekoizpenak balorizatzen Mauleko hiltegiari esker. Horrek ahabildetzen die lan sari duina atxikitzea".
Frantziako Estatuan: kexua ez doa ttipituz
Iragan astean abiaturiko laborarien haserrea ez doa ttipituz eta otsailaren 1 honetan 150 bat blokeo daude Frantziako Estatu mailan. Parisen kokaturiko Rungis gunea dute helmugatzat, nazioarteko salerosteen gune estrategikoa izanik. Baina, Poliziak bidea mozten die eta hamarnaka laborari ditu atxiloturik.
Agroindustriaren sustatzaile FNSEA eta JA sindikatuek abiatu zuten mugimendua, eta geroztik, protestari lotu da agroekologiaren alde dabilen Confederation Paysanne. Bakoitza bere aldarriekin doa, bi eredu antagoniko dituztelako helburutzat.
Aldarria Bruselara
Aldarria Europako Batasunera arte eramaten ari dira otsailaren 1 honetan: traktore ilarek Bruselako sarrera-irteerak oztopati dituzte goizean goizetik. Hainbat herrialdetako laborariek dute mobilizaziora deitu, EBko buruzagiek gaur egingo duten bilerarekin bat eginez. Ehundaka traktore izan dira Europako Parlamentuaren aitzinean eta tentsioa gora doa:
EB eta Mercosur-aren arteko merkatu askerako akordioa ezeztatzea dute helburu nagusien artean, baita berehalako neurriak ere, zailtasun ekonomikoei erantzuteko asmoz.
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.