Laborari biologikoek martxan jarritako denda Donapaleun
2018an ireki zuten Donapaleun Tokiko Bio Ekoizpenak denda, zazpi laborariren artean. Beren produktuez gain, inguruko nekazari gehiagorenak ere eskaintzen dituzte, batez ere ekoizpen ekologikoan diharduten nekazari txikienak.
2018ko abenduan ireki zituen ateak Tokiko Bio Ekoizpenak dendak Donapaleun. Proiektua martxan jartzeko buru-belarri arituak ziren eskualdeko hainbat laborari aurreko hilabeteetan: “2018ko udaberrian hasi zen proiektua sei laborariren artean. Pixkanaka bilkurak egiten eta laborariak biltzen joan ginen, eta dinamikaren bukaeran elkartea sortu eta saltokia ireki genuen zazpi laborariren artean”, azaldu du Nicolas Mendiboure proiektuko kideak.
Hurbileko ekoizpen ekologikoak
Elkartea osatzen duten zazpi laborarien produktuez gain, inguruko nekazari gehiagorenak ere eskaintzen dituzte Tokiko Bio Ekoizpenak dendan, batez ere ekoizpen ekologikoan diharduten nekazari txikienak. “Elkarteko gehienak hemengoak gara, urrunen daudenak Donapaleutik 20 kilometro ingurura daude”, dio Mendibourek. Hori zen dendaren helburua: hurbileko laborari biologikoen ekoizpenak eskaintzea. Bertan ekoizten ez den urrunagoko produkturen bat ere badute salmentan, baina gutxiengoa dira.
Eskaintza zabala dute: barazki freskoak, ardi eta ahuntz gasnak, irinak, ogia, haragia, fruta, kontserbak, erreximentak, jogurtak, zukuak, garagardoak… “Hastapenetik erantzun ona izan dugu, baina egia da denborak aurrera egin ahala kostatu zaigula jendeari ulertaraztea laborari denda bat dela, ez dela supermerkatu handi bat eta dena beti eskura edukitzea ez dela erraza”, esan du ekoizleak. Pixkanaka ohitzen omen doaz bezeroak, dena den, eta mugimendu geroz eta handiagoa dagoela dio.
Elkarlana oinarri
Asteartetik ostiralera goizez eta arratsaldez eta larunbatetan goizez irekitzen dute Tokiko Bio Ekoizpenak denda. Langile bat kontratatua dute eguneroko salmentarako, baina elkarteko zazpi kideek ere dendako lanetan parte hartzen dute. “Gure produktuen salmenten arabera elkarteko kide bakoitzak sartu beharreko denbora kalkulatzeko modu bat daukagu: lanaren erdia kide guztien artean banatzen dugu, eta beste erdia berriz salmenta kopuruen arabera egiten dugu”. Esaterako, Mendibourek barazki freskoak saltzen dituenez eta salmenta kopuru handiagoak dituenez, beste kide batzuek baino ordu gehiago sartzen ditu.
Egonkortzeko bidean dago Tokiko Bio Ekoizpenak denda, eta ez dute bestelako ekimenak antolatzeko aukera gehiegirik izan proiektuko kideek momentuz. Egitasmoa martxan jartzeko orduan inguruko beste elkarte batzuen laguntza jaso dute, Idoki Euskal Herriko Etxe Ekoizleen elkartearena batez ere.
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Bilbon bazterkeria arriskuan dauden kolektiboekin lanean aritu nintzen bost urtez, arrakala digitalaren inguruan, batez ere emakumeekin. Bidean, bortizkeria matxistekin eta beste arazo askorekin aurkitu nintzen. Oso modu organikoan, indarkeria matxista pairatzen zuten... [+]
Bata bestea irentsiz gordetako azken galtzerdi parearen ondoren, ezin izan nuen kaxoia itxi. Horrela zegoen, gaizki itxita, bi astez jada, pijamena (pijamen tiraderan, oparitutako hiru izan ezik, ez dago pijamarik; “etxerako” kamiseta eta galtzaz beteta dago). Atera... [+]
Londrestik iritsi da ospe handiko arkitekto bat Galiziako herri txiki batera. David Chipperfield du izena, eraikinak mundu osotik zehar ditu, Berlin, Milan eta Shangaigo bulegoetatik lanean. Arkitektura elegantea, fina, Sir batek egindakoa. Istorioa Corrubedo herrixkan hasten... [+]
Neronek esan nezake, baina Macronek esan zuen. Frantses nazioa zatitzeko tresnak omen dira frantsesa estatu hizkuntza bilakatu baino lehenagotik ere exagonoan baziren hizkuntza horiek. Aitortu ordez Frantziak hizkuntza horietako hiztunak azpiratu, uniformizatu eta asimilatu egin... [+]
Tabernan zaude, barran, eskatu nahian. Mostradorean beste pertsona batzuk ere berdin. Laster izango da zure txanda, baina zuri tokatu arren, zerbitzariak ez dizu galdetu ea zer nahi duzun, salto egin dizu eta zure atzean etorri den gizona atenditu du. Ergel aurpegia geratu... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
2022an egin nuen topo Cristinarekin lehen aldiz, Eusko Ikaskuntzak antolaturiko Aniztasunaren kudeaketa demokratikoa Nafarroan proiektuaren baitan. Nafarroa Garaiko errealitate soziopolitikoaren ordezkari-edo ginen zortzi gazte elkartu eta batzen eta bereizten gaituzten aferez... [+]