Laborantza lur sail bati buruzko eztabaida piztu da berriz Arbonan

  • Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore bati saltzea erabaki duela, 3.000.000 eurotan.


2025eko apirilaren 01ean - 10:10
Ostia kolektiboak iazko apirilean eginiko elkarretaratzea, Arbonan. Guillaume Fauveau

Futbol zelaia lekualdatzeko asmoa du Herriko Etxeak, eta horretarako "oraindik baliatu" daitekeen 40 hektareetako 18.200 metro karratuko laborantza lur sail batez jabetuko dela ere salatu du Bordak. Asteazkenean zabaldutako eta Naiz hedabideak argitaratu duen bideoan, aipatutako bi proiektuak "ilegalak" direla ohartarazi du Lurzaindiako kideak, baina halere Arbonako Herriko Etxea horiek egiten saiatuko dela.

2024ko irailaren 23an bildu zen herri kontseiluan zera erabaki zuten: Arbonako Herriko Etxeak egungo futbol zelaia dagoen 11.000 metro karratuko terrenoa saltzea Baionako EDIFIM promotoreari, 3.000.000 euroren truke. Horrez gain, lur sail horretatik ehun bat metrora promotere berak dituen 18.200 metro karratu laborantza lur saila Herriko Etxearen eskuetara pasatuko litzateke, 10.000 eurotan, bertara futbol zelaia lekualdatzeko.

Marie-Jose Mialocq auzapezak Mediabask hedabideari azaldu dio Bordak aipatu dituen laborantza lurrak APAJH elkartearenak direla, zeinak elbarritasun egoeran diren heldu eta gazteentzat lan egiten duen. Mialocqen arabera, oraingo kirol zelaiaren eremuan elbarritasun egoeran diren pertsonak artatzeko eraikinak altxatzeko asmoa du Arbonako Herriko Etxeak, baita etxebizitza sozialak ere. "Interes orokorreko proiektua" dela adierazi du Mialocqek, eta baieztatu du lur horiek ez direla gehiago laborantzarako erabiliko.

Aurrekari anitz dituen gatazka

Laborantza lurren inguruko gatazkak ez dira ezohikoak Arbonan eta Ipar Euskal Herrian: iazko apirilaren 15eko herri kontseiluan alokatzaile sozial bati lur bat saltzea erabaki zuen Herriko Etxeak. Gogor gaitzetsi zuen deliberamendua oposizioak eta Ostia kolektiboak, auzapezari "laborantza lurrak desagerraraztea" leporatuta. Bestalde, Peio Dufau EH Bai-ko diputatuak presio espekulatiboari aurre egiteko eta laborantza lurrak babesteko xedez idatzitako legearen alde egin zuen Frantziako Legebiltzarrak martxoaren 11n, 203 diputatuk alde eta hiruk aurka bozkatu ostean. Laborantza lurren salerosteen ardura duen SAFER izeneko egiturari ahalmen gehiago ematea lortu du legeak.


Kanal honetatik interesatuko zaizu: Ingurumena
Kutsadura maila handi eta arriskutsuak behatu dira Zubietako erraustegiaren inguruetan

Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Armagintza sustatzearen aurkako manifestua sinatu dute EHUko 135 irakaslek, Jaurlaritzaren posizioa kritikatuta

Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]


2025-04-02 | Nicolas Goñi
Angolan lehorteak 2,3 milioi pertsona mehatxatzen ditu, baina nori axola zaio?

Munduan gutien aipaturiko krisi humanitarioa da Angola hego-mendebaldean 2019az geroztik irauten duena. Klima aldaketak indarturiko lehorte luze baten ondorioz milioika pertsona janari eskasean edo desegokitasunean bizi dira eta ura bilatzeko ahalegin handiak egin beharrean... [+]


Badago lotura Euskal Yaren eta AHTren artean Nafarroan

Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]


2025-04-01 | Mikel Aramendi
ANALISIA
Myanmar: lurrikarak ekar ote dezake gerraren amaiera?

Triskantzaren balantze humano eta ekonomiko ilunaren esperoan, galdera berehala bururatzen zaigu urrutiko begirale baino asko gehiago ezin izan garenoi: zer gertatuko da orain gerra zibil horretan? Nolako eragina izango du lurrikararen suntsiketak? “Nargis efektu”... [+]


Emisio gutxiko eremua behin-behinean etetea erabaki du Euskal Hirigune Elkargoak

Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.


Euskal Herriko II. Ekotopaketak egin dituzte asteburuan, garaiko erronkez eztabaidatzeko

Jauzi Ekosizialeko kideek antolatzen duten bigarren edizioa da. Euskal Herriko trantsizio ekosozialak "inoiz baino premia handiagoa" duela adierazi dute, "datozen aldaketa sakonen aurrean trantsizio justua nahi bada".


Apirila, zikloaren hasiera

Udaberrian orain dela egun gutxi sartu gara eta intxaurrondoa dut maisu. Lasai sentitzen dut, konfiantzaz, bere prozesuan, ziklo berria hasten. Plan eta ohitura berriak hartu ditut apirilean, sasoitu naiz, bizitzan proiektu berriei heltzeko konfiantzaz, indarrez, sormen eta... [+]


2025-03-31 | Jakoba Errekondo
Ohea berotzearen teknika

Ohe beroan edo hotzean egiten da hobeto lo? Nik zalantzarik ez daukat: hotzean. Landare jaioberriek bero punttu bat nahiago dute, ordea. Udaberriko ekinozio garai hau aproposa da udako eta udazkeneko mokadu goxoak emango dizkiguten landareen haziak ereiteko.


2025-03-31 | Garazi Zabaleta
Errekauek
“Errekauek” eta “enkarguk” etxean jasotzeko proiektua Azpeitian eta Azkoitian

Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]


2025-03-31 | Nagore Zaldua
Udaberrian sakura loreak eta itsas-tomateak

Itsasoan badira landareen itxura izan arren animalia harrapari diren izaki eder batzuk: anemonak. Kantauri itsasoan hainbat anemona espezie ditugun arren, bada bat, guztien artean bereziki erraz atzemateko aukera eskaintzen diguna: itsas-tomatea.


Ezkabako ihesaldia gogoratzeko, La Fuga mendi-martxa

Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.


Eguneraketa berriak daude