Presidenta, mutikoa eta zezen gorria!
Hamalau urteko mutiko gazte bat zen. Itxurari fidatu behar balitz, ez zuen arras erne erne haietarik iduri. Euritako jauntziak zituen, gure kanpañetan ardura soinean dauzkagun zira berde horietarik. Eta kanpotik sartu berria zen mutil gaizoa, busti bustia sokatik segitzen zitzaion zezen gorri ilun alimale hura bezalaxe!
Pariseko laborantza erakustoki erraldoi hartan, mutiko gazteak eta bere zezenak gibeletik atxeman dute Frantziako lehendakariaren multzo bitxia. Goizeko zazpietan abiatua zuen François Hollandek bere bisita urteroko saloinean, eta gidariak bazituen ibiltzeko hemendik ala handik, gelditzeko behi betroin zaharraren errapeari begira ala entzuteko deizteko robot berriaren balentriak.
Pentsa, nor hurbiltzen ahalko zitzaion presidentari ? Bat ala bestea bazuen beti eleketari ala aholkulari, baina bizkarrean zituen hainbat zaindari, berehala gibeletik zenbait laborarien buruzagi dena ttattar eta irri zuri… eta beste hainbat zaindari, bizkarrez ibilbideari, begiak denetan gure mendietako arrapariak iduri. Jende mulko mugikorraren gainetik, mikrofonoak haga luze batzuen puntan, kamera eta argazkilariak han baitziren aintzinago, edo batzuetan bazterretik bultzaka, tartea egin beharrez, lehendakaria hurbilagotik nahian.
Ez zen aldiz lotsa gure mutil gaztea, bere zezena sokatik zaukala. Gibeletik ari zen hurbiltzen ttattardun talde tinko eta bitxi horri, artetarik marmarikatzen zuela : “Ez du naski ene zezena ikusi nahi gure presidentak!”. Zaindariek ikusten zuten ba mutikoa hurbiltzen bere bitxoarekin, baina hauk ez dira heziak lanjer mota huntaz mesfidatzeko. Alta, ustegabeko lau urrats sendo egin balitu zezenak, tanpez akabo zitekeen Errepublika!
Maltxoa bezain maltxoa iduri zuen zezenak, eta gaizoa bezain gaizoa mutil gazteak. Noizbait konturatu da Le Foll ministro hanka luzea bazaukatela gibeletik bisitari berezia. Eta hurbildu zaio mutilari, goresmenak egin berehala zezenarentzat. Zoin arrazetakoa ere bazekiela balentriaz ari zen, -laborantza ministroa da prefosta-, baina ministroez ez zen axola mutikoa eta adierazi dio presidentari nahi ziola erakutsi animalia.
Abila ministroa, gauza guti baitira ministroak hor denean lehendakaria, iepa eta iepa hasi zaio François-ri : “Haugi nolakoa den ikustera zezen hori”. Noizbait entzun du zerbait Hollande-k, eta itzuli da gibelerat zaindari eta laborari milikarien eltze tinkoa urraturik. Ai mutilaren zoriona ! Atera du bere jauntzi bustien zolatik telefona modernoa, eta luzatu dio Le Foll ministroari har zitzan argazkitan presidenta, mutila bera eta zezen gorria.
Bardako aments eroa iduri luke ixtorio hunek. Bizkitartean gertatu den bezala kondatu dugu. Funtsean lekuko hor dira argazkiak, erakusten baitute ministroa bera argazkiaren hartzen. Ez da menturaz aurtengo Pariseko feriako gertakari nagusia izan. Ederki agertzen du politikariak itxuraren ondotik dabiltzala. Ongi erakusten du ere mutiko gazte baten nahikeriak traba guziak gainditzen ahal dituela…
Guhaur geroztik ari gara nolako zezena beharko genukeen sokatik lehendakariak eta bere ministroek entzun ditzaten gure behien marrumak, gure ardien arkumak, etxalde soilen arrangurak!
Ostegun arratsean abiatu da Lurrama, Bidarteko Estian egin den mahai-inguru batekin. Bertan, Korsika eta Euskal Herriaren bilakaera instituzionala jorratu dute. Besteak beste, Peio Dufau diputatua eta Jean René Etxegarai, Euskal Hirigune Elkargoko lehendakaria, bertan... [+]
Laborantza iraunkor eta herrikoiaren hitzordua den Lurrama azokan izanen da Karine Jacquemart, Frantziako Foodwatch elkarteko zuzendaria. Elikadura-eskubidea herritar orori bermatzeko helburuari tiraka, hainbat ekintza bideratzen dabiltza –herritar mobilizazioak, agintari... [+]
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Ekolurrak irailaren 23a, Europar Batasuneko Nekazaritza Ekologikoaren Eguna, aprobetxatu du tresna berria aurkezteko. Elikagai ekologikoak kontsumitzeko erraztasunak eman nahi dizkie herritarrei, Sareko bilatzailearekin: Araba, Bizkaia eta Gipuzkoako ekoizle ekologikoen 269... [+]
Hemen gatoz, atzera ere, hausnarra berritzera. Edo behintzat saiatzera. Edo horrekin amestera. Ez dakit, ordea, berritik zer izango dugun; izan ere, antza, munduak lehengo lepotik burua jarraitzen du. Barkatu okerra: gizakiok jarraitzen dugu lehengo lepotik.
Plastikoan bilduta saltzen dizkigute zuritutako sagarra, mandarina, ahuakatea eta abar. Eta ez gaitu lotsagorritzen.
Ameriketako Estatu Batuen ipar ekialdean azken urteotan maila handiko fenomeno batek eragin garrantzitsua izan du osasun publikoan, eta basa animalien osasunaren garrantzia oroitarazten du. Argitaratu berri den ikerketa baten arabera, gertaera hori eta sortu dituen ondorioak... [+]
Haziak nola egin azaltzen duen jakintza praktikoa eta hazietan datzan ikuspegi politikoa. Biak uztartu dituzte Haziak liburuan Miguel Arribas Kelo-k eta Marc Badal-ek. Hamaika auzi baitaude jokoan hazi bakoitzean: biodibertsitatea vs estandarizazioa, autonomia vs menpekotasun... [+]
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Munduko klima gogorrenetakoa du Balutxistanek: basamortuko klimaren muturreko bero eta lehorteak, eta Arabiako itsasotik ekarritako montzoiaren eurite irregularrak, urte batzuetan eskasak eta bertzeetan uholdeak eragiteko modukoak. Hala eta guztiz ere, bertan laborantza badago,... [+]
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]