LABIk ostiralean erabakiko du koronabirusaren aurkako neurriak malgutuko dituen
Ostalaritzari eta kultur zein kirol jarduerei eragiten dieten neurriak dira aste honetan erabakiko direnak. Ekainaren 21ean sartuko lirateke indarrean. Ipar Euskal Herrian, gaurtik aurrera, maskararen erabilera ez da beharrezkoa izango kanpoaldean.
Urkulluk ekainaren 18rako deitu du LABI batzordea, indarrean dauden pandemiaren aurkako neurriak malgutuko dituzten eztabaidatzeko. Erabakien artean, establezimenduak gaueko ordu bata arte irekitzea, 'txokoak' zabaltzea eta kirol jardueretan publikoa baimentzea daude. 100.000 biztanleko intzidentzia metatua 150etik behera mantenduz gero, neurriok ekainaren 21ean aplikatuko lirateke.
Ostalaritzari, kirol jarduerei eta kultur ekitaldiei eragingo dieten gaiak dira ostiraleko 16:30etatik aurrera eztabaidatuko direnak. Establezimenduak irekitzeko ordua gaueko hamabietatik ordu batera arte atzeratzeaz gain, ostalaritzan baimendutako edukiera handitu egingo da. Mahaietan 4 pertsonatik 6ra igoko da gehienezko kopurua; piszina kanpoaldeetan eta hotelen terrazetan eta campingetan, %60 izango da aforoa.
Merkatuetan, ferietan, komertzioetan, erlijio guneetan eta ekitaldi kulturaletan ere handitu egingo da baimendutako pertsona kopurua. Barnealdean egiten diren ekintza kulturaletan, 600 lagun bildu ahalko dira, eta kanpoaldean egiten direnetan, 800 pertsona. Barneko kirola, berriz, hamar pertsonako taldeetan egin ahal izango da. Gainera, publikoa hurbiltzea baimenduko da lehen aldiz, %60ko edukierarekin: 800 ikusle egon ahal izango dira gehienez ere barneko kirol jardueretan eta 1.200 kanpoan egiten direnetan. Bestalde, 'txokoak' eta elkarte gastronomikoak ere zabaldu ahalko dira.
Neurriok Eusko Jaurlaritzaren Bizi Berri III planaren parte dira. Asteartean, pandemiari aurre egiteko plan horrek zehazten duen hirugarren mailatik bigarrenera igaro ziren Bizkaia, Araba eta Gipuzkoa. Izan ere, 100.000 biztanleko intzidentzia metatua 150etik behera mantendu zen lehen aldiz hamar hilabetetan. Jaurlaritzak ekainaren 16an kaleratutako txosten epidemiologikoaren arabera, azken 14 egunetako intzidentzia metatua 137,79koa izan da (8,73 puntu jaitsi da ekainaren 15etik). Tasa hori mantentzea beharrezkoa izango da ostiralean eztabaidatuko diren neurriak ekainaren 21ean indarrean sartu ahal izateko.
Nafarroa eta Ipar Euskal Herria
Koronabirusaren aurkako neurriak gutxituz doaz Euskal Herriko gainerako eremuetan ere. Ipar Euskal Herrian aurreratu egin da ekainaren 30erako deituta zegoen arauen malgutzea (laugarren fasearen hasiera). Besteak beste, gaurtik aurrera maskararen erabilerari dagokionez, oro har, kanpo aldean ez da beharrezkoa musukoa jartzea, salbu eta jende pilaketak egoten diren leku gutxi batzuetan, esate batera, azoketan edo kirol ikuskizun zehatzetan. Nafarroan, berriz, ostalaritzako barnealdeko espazioetan, %30etik %50era igo dute baimendutako edukiera, eta irekitzeko ordua hamabiak arte atzeratu.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.