Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Eusko Jaurlaritza berriari soldaten duintzea eta zerbitzu publikoak indartzea eskatu die LAB sindikatuak. Ez dira izan LABek egindako eskakizun bakarrak; izan ere, langileen erabaki ahalmena ziurtatuko duen marko juridiko politiko berri bat, burujabetza maila handiagoak eskuratzeko urratsak egitea, langile publikoen eskakizunei erantzun egokia ematea, eta erronka sozialei aurre egingo dien eta enpresek gidatuko ez duten industria birmoldaketa sustatzea eskatu dizkiote Imanol Pradales jeltzaleak gidatzen duen gobernu berriari.
Jaurlaritzaren bilera erronda
Eusko Jaurlaritzak hainbat eragilerekin, tartean sindikalak, bilerak egingo dituela iragarri du Pradalesek. Bilera horretan “eskari zehatzak” mahaigaineratuko dituela adierazi du LABek. Sindikatua kritiko agertu da Urkulluren gobernuak izan zuen jarrerarekin. Langileen aldarrikapenei “bizkar emanda” jardun zuela esan du, eta borroka sindikal eta sozialetako aldarrikapenei “entzungor”. “Patronalaren mesedetan diren politikak egiteari uzteko” eskatu du. EAJ eta PSEk gobernu akordioa aztertu ondoren, nabarmendu du “ez dagoela aldaketa sakonik egiteko borondaterik”, eta aurreko lau urteetako kudeaketa “goraipatu” dutela kritikatu du.
Aberastasuna birbanatzeko soldatak duintzea eta KPItik gora eguneratzea da lehentasun nagusietako bat LABentzat. Horrela ez egitearen ondorioz, “laneko errentak kapital errentara lekualdatzen" direla eta “aberastasuna geroz eta modu bidegabeagoan" banatzen dela azpimarratu du sindikatuak. Enpresariekin eta administrazioarekin kritiko agertu da LAB, eta enpresariei gehiago ordaintzea eskatu behar zaiela eta administrazioari eredu izatea eskatu behar zaiola adierazi du.
Lanbidearteko Gutxieneko Soldata (LGS) “gure eremuko errealitate sozioekonomikoaren araberakoa” izatea eskatu du. Europako Karta Sozialak, LGSk lurraldeko bataz besteko soldataren %60 izatea gomendatzen du eta Hego Euskal Herrian horrek ekarriko luke 1.600 euroko soldata hamalau pagatan, LABek informatu duenez. 2020ko Greba Orokorrean LGSren gaineko sektorearteko akordio bat egitea aldarrikatu zela jaso du LABek, baina Confebaskek eta aurreko Enplegu Saialak iniziatibarik ez dutela izan nabarmendu du. Elkarrizketa Sozialeko Mahaian parte hartuko ez duela adierazi du LABek, “gehiengoak errespetatzen ez dituen" mahaia delako.
Zerbitzu publikoak
Zerbitzu publikoak indartzea da sindikatuaren beste lehentasuna. Osakidetza azpimarratu du, horren egoera “bereziki larria” dela nabarmenduz. Langile publikoen baldintzak ezin direla Madriletik inposatu salatu dute: “Hemen erabaki behar dira, bertako negoziazio kolektiboa indartuz”. LABek ziurtatu du Imanol Predalesek proposatu duen Herri Akordio proposamena entzungo duela, baina bi baldintza jarriko dituztela.
Alde batetik, “Osakidetzan indarrean dauden politika neoliberal eta klientelarren aldaketa sakonerako borondate politikoa” eskatu du. Pribatizazio eta kontzertazio politikaren amaiera eta inbertsioa handitzearen beharra aipatu ditu sindikatuak. Bestetik, “langileen parte hartze zuzena eta hauekin negoziatzea” eskatu du, “aurreko sailak inposizioz eta negoziatu gabe jokatu baitu”. Pribatizazio politikei amaiera ematea eta langileen lan baldintzak duintzea eskatu dute, eta “prekarietate eta esplotazio egoeran” daudela salatu dute.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Elkarretaratzea egin dute Iruñean asteazkenean SOS Arrazakeria taldeak eta LAB sindikatuak salatzeko zapia buruan erabiltzen duten zenbait emakumeri "mehatxuak" eta "irainak" eragin dizkietela euren lanpostutan. "Ohikoa" den diskriminazioa... [+]
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
LABek Osakidetzako kontratuen zatikatze irregularra detektatu du. 381 kontratu txiki aurkitu ditu 2022an, zortzi milioi euro baino gehixeagokoak. Herri Kontuen Euskal Epaitegiari prozeduraren berri emango dio.
Hego Euskal Herrian, 2023ko abenduan urtebete lehenago baino 4.641 langabe gutxiago zegoela jakinarazi berri du Espainiako Enplegu Zerbitzu Publikoak. Sindikatuek, dena den, datu horren itzalean dagoen errealitateaz ohartarazi dute. ELAk, adibidez, gogorarazi du lau lan... [+]