LABek nagusitasun handiz irabazi ditu foru Administrazioko hauteskundeak, eta ELA da bigarren indarra
Gaur "aldaketarako akordio soziopolitikoa" proposatuko die LABek EH Bildu, Geroa Bai, Podemos eta Izquierda-Ezkerrari.
Nagusitasun handiz irabazi ditu LABek foru Administrazioko hauteskunde sindikalak. ELAk indarrez egin du gora, eta bigarren postua lortu du, CCOO gibelean utzita. CCOO eta UGT gogor zigortu dituzte enplegatu publikoek. Atzo foru Administrazioko 24.390 enplegatu publikok eman zezaketen botoa, 254 ordezkari sindikal aukeratzeko 3.640 hautagairen artean.
Foruzaingoko zein Osasun Publiko eta Laboreleko Institutuko hauteskundeak atzeratu egin dituzte. Orain arte, LABek 72 ordezkari lortu ditu, duela lau urte 55 zituen. Berea da igoerarik handiena, 17 irabazi baititu. ELAk 38 erdietsi ditu, 2011n baino 3 gehiago, eta CCOOri aurrea hartu dio. Azken sindikatu horrek beherakada latza pairatu du: 2011n 41 ordezkari lortu zituen; atzo, 35. UGTk beste 5 ordezkari galdu ditu, 22tik 17ra pasa baita. CCOOk eta UGTk galdutako hainbat boto AFAPNAra joan dira, sindikatu hori 14 ordezkaritik 23ra pasa da eta. Steilas sindikatuak gora egn du: 8 ordezkari zituen, eta aurrerantzean 10 izanen ditu.
Prentsa ohar batean LABek nabarmendu du “bigarren indarrarekiko tarte handiz eta aurreko hauteskundeetan baino ordezkari gehiago lortuz” gailendu dela. “Azken lau urteotan une egiazki kritikoak bizi izan ditugu Nafarroako zerbitzu publikoetan”, eta “emaitzek denbora horretan egindako lanari bultzada ematen diote”, sindikatu abertzalearen arabera. Hori horrela, “orain zerbitzu publikoak berreraikitzeko lanari ekitea tokatzen da”. Horretarako, “milaka lanpostu publiko berri sortu behar dira, murrizketei eta pribatizazioei buelta eman behar zaie, bajak lehen egunetik ordezkatu behar dira eta langileen erosteko ahalmena berreskuratu behar da”.
Aldaketaren indarrei proposamena
LABen arabera, hori guztia ezinezkoa da lau urte hauetan Gobernuan izan diren alderdiekin, UPNrekin eta PSNrekin, alegia. Hartara, “aldaketako protagonista izan behar duten lau alderdiei”, EH Bildu, Geroa Bai, Podemos eta Izquierda-Ezkerrari hain zuzen ere, proposamena luzatuko die gaur LABek. “Nafarroan eredu berria eraiki nahi duten eragile sozialen, sindikatuen eta alderdi politikoen arteko akordio soziopolitikoa proposatzen dugu”, iragarri dute agirian. Xedea ei da “Nafarroa aldatzeko oinarri estrategikoak finkatzea, alor bakoitzaren (politikoa, sindikala, soziala) autonomiatik”.
LABen idurikoz, akordio horrek lau ardatz eduki beharko lituzke. Lehena, "sare klientelarren desegitea eta alor guztien demokratizazioa". Bigarrena, "alor publikoaren aldeko apustu estrategikoa, herritarren osasun, hezkuntza, etxebizitza eta babes sozial eskubideen berme moduan". Hirugarrena, "Nafarroan lan harreman marko propioa sortzea, lana eta aberastasuna banatzeko helburuarekin". Eta laugarrena, "Madrilen aitzinean Nafarroan erabakitzeko eskubidearen defentsa sozial zein instituzionala".
Oharra: Albiste hau Euskalerria Irratiaren webgunetik ekarria da lizentzia libreei esker, originala hemen.
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]