LAB sindikatuak oso larritzat jo ditu Amurrioko udaltzain batek zabaldutako mezu matxistak
LAB sindikatuak oharra plazaratu du Amurrioko udaltzain batek zabaldutako mezu matxistak salatu eta neurriak exijitzeko. Udaletxean ordezkaritza sindikala duten ESAN eta ELA sindikatuekin ahalegindu dira gertaera deitoratzeko ohar publiko eta bateratua osatzen, baina ezinezkoa izan dela adierazi du sindikatu abertzaleak.
Hautsak harrotu ditu Amurrioko Udaltzain batek iragan urriko azken astean bere sare sozialetan zabaldutakoak. Otsemeak Neska* Gazte Taldeak eman zuen gertatutakoaren berri: udaltzain batek Adrian Camacho tiktoker nafarraren bideo bat elkarbanatu zuen bere Instagram kontu publikoan; Halloween-eko ospakizunen testuinguruan nesken mozorroei egiten zien erreferentzia bideoak.
Neska* Gazte Taldeak erasotzat jo zuen gertaera, eta hura kasu isolatua ez zela nabarmendu zuen ere. “Ez da kasu isolatu bat, Amurrion azken hilabeteetan esango genuke udaltzaingoen jarrerak jarrera feministak izatetik oso urrun kokatzen direla”, azaldu zuten erasoa salatzeko plazaratutako oharrean.
Talde feministak Udalari neurriak exijituko zizkiola iragarri zuen, eta horrela egin du tokiko gobernuarekin elkartzeko aukera izan duenean. Halaber talde feministako kideek Aiaraldea Komunikabideari azaldu diotenez, Udalak ez du erasoa mahaigainean jarri duen Otsemeak taldearekin harremanetan jartzeko ahaleginik egin. Kontrara talde feministaren ekiteak ahalbidetu du bi aldeak batzartzea.
Gaia langile batzordean
Amurrioko Udaleko langileek ere egoeraren aurrean neurriak hartzeko beharra mahaigaineratu zuten. LAB sindikatuak ahaleginak egin izan ditu ordezkaritza sindikala duten gainerako atalekin “jarrera bateratu eta eraikitzaile” bat publiko egiteko baina, iturri sindikalek Aiaraldea Komunikabideari adierazi diotenaren arabera, ezinezkoa izan da.
Gogoratu beharra dago Amurrioko Udalak berriki egin dituela hauteskunde sindikalak. LABek bildu zuen babes gehien eta hiru ordezkari lortu zituen, baina ESAN sindikatuak, Ertzaintzaren sindikatu korporatiboak, ordezkari bat eskuratu zuen ere. ELA sindikatuak lortu zuen bosgarren ordezkaria.
LAB sindikatuak ahaleginak egin izan ditu ordezkaritza sindikala duten gainerako atalekin “jarrera bateratu eta eraikitzailea” publiko egiteko baina, iturri sindikalen arabera, ezinezkoa izan da hori
LABek oharra plazaratu du berriki udaltzainarekin jazotakoa salatzeko: "Bereziki gertaera larria iruditzen zaigu herritarren segurtasunaz arduratzen diren autoritateek eraso matxistak jasotzen dituzten edukiak zabaltzea, kontuan izanda, eraso matxista horiek pairatzen dituzten emakumeek gero eurengana joan behar dutela babes eske” nabarmendu dute oharrean.
Sindikatu abertzaleak gogorarazi du ere langile publiko orok duela herritarrak begirunez tratatzeko betebeharra edozein delarik jatorria: sexua, hizkuntza, arraza, jatorria, klasea edota dibertsitate funtzionala.
Are gehiago, azpimarratu dute ere Amurrioko Udaleko langile guztiek sinatu dutela etika eta jarrerei buruzko kodea. “Protokolo horiek langileen parte hartzearekin landu behar dira, edukiak zabaltzeko, kontzientziazio lana egiteko, eta protokolo hori ondo aplikatzeko. Politikariek, udal langileok, eta udaltzainek bereziki, Amurrio eraso sexistarik gabeko eta inolako bazterkeriarik gabeko herria izatea bermatu behar dugu, eta eredu izan behar dugu” aldarrikatu du LABek.
Udal talde politikoek sinatutako adierazpenarekin eta udaltzainei trebakuntza eskaintzeko neurria ezinbesteko ikusten dituen arren, LABen iritziz neurri horiek ez dira nahikoak eta prestakuntza zehatza, aldian aldikoa eta iraunkorra eskatu du. Azkenik, udaltzaingoak orain arte izandako bilakaeraren eta etorkizunean izan beharko lukeenaren hausnarketa ere beharrezkotzat jo du sindikatuak.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
“Ikertzaileen esperientziak komunikabideekin eta sare sozialekin duten harremanean” izeneko txostena argitaratu du FECYTeko Science Media Centre Españak (SMC), EHUko Gureiker ikerketa-taldearekin lankidetzan egindako inkesta batean oinarrituta. Emaitzen... [+]