Akusazioa eta defentsaren arteko akordioaren ondoren, asteazkenean, Bartzelonako militar ohi bati bi urteko kartzela-zigorra ezarri diote, eta 20.000 euroko kalte-ordaina eman beharko dio 2016ko Iruñeko Sanferminetan bost gizonek bortxatu zuten gazteari. Epaiaren arabera, zigortutako gizonak foro batean zabaldu zituen emakumearen datu pertsonalak, argazkiak eta bortxaketaren beraren irudiak.
Kondenatuak onartu egin du Fiskaltzaren kontakizuna; ‘La Manada’ko bost gizonen erasoa pairatu zuen emakumea datuak, NANaren irudia, haren formakuntza akademikoa eta bortxaketaren irudiak zabaldu zituen Interneteko foro batean, emakumeari “iseka egin eta ezinegon morala” eragiteko asmoz.
Fiskaltzak bi urte eta erdiko kartzela-zigorra eskatu zuen akusatuarentzat. Akusazio partikularrak eta herri-akusazioak hiru urteko espetxe-zigorra eskatu zuten. Akordioaren ondorioz, espetxe-zigorra murriztu egin da. Hala, militar ohia ez da espetxean sartuko, baldin eta kalte-ordaina ordaindu eta hiru urtean beste deliturik ez badu egiten. 1.320 euroko isuna eta erasoa jasan zuen emakumeari 20.000 euroko kalte-ordaina ematea onartu du akusatuak. Inputatu gisa egindako deklarazioan, argudiatu zuen berak 2017ko udan Iruñean bortxatu zuten gaztearen argazkiak eta datuak beste nonbaitetik “kopiatu eta itsatsi” baino ez zuela egin.
Militar ohiak kalte-ordaina emateko nahikoa dirurik ez balu, akusazio partikularrak eta herri-akusazioak eskatu dute, emakumearen datuak argitaratu zituen webguneak – Foroparalelo– bere gain hartzea. Webgunearen defentsa horren aurka agertu da.
‘La Manada’ko erasoaren epaia argitaratu zenean, Nafarroako Auzitegiaren “akats” bategatik, erasoa sufritu zuen emakumearen datu pertsonalak sarean eskuratzeko aukera eman zuen. Espainiako Botere Judizialaren Kontseilu Nagusiak filtrazio hori aztertu zuen baina ez zuen erantzulerik bilatu, filtrazioa “akats sistemiko baten ondorioz” gertatu zela ebatzi zuen.
Defentsak positibotzat jo du asteazkeneko epaia, "indarkeria digitalei aurre egiteko estrategikoa" delako. Izan ere, kasu hauek erasoak salatzeko asmoa duten emakume guztiak iraindu nahi dituzte, biktima berriro biktimizatzeaz gain".
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]
Ertzaina emakume bezala erregistratu zen Trans Legearen bitartez, baina inori ez zion aldaketaren berri eman. Fiskaltzak uste du indarkeria matxista leporatzetik libratzeko asmoarekin aldatu zuela sexuz.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.