Kutxabankek funts putre bati hipoteka-maileguak saldu izana salatu du Jaurlaritzan Stop Kaleratzeak plataformak
Stop Kaleratzeak plataformak agerraldia egin du Eusko Jaurlaritzan, Kutxabankek gauzatutako hipoteka-maileguen salmenta salatzeko, eta horrek eragindako egoeraren aurrean Jaurlaritzari zenbait eskakizun helarazteko; besteak beste, salmentaren eraginez gauza daitezkeen etxegabetzeen aurrean, kaltetutako familiei alternatibak eskaintzea exijitu diote.
Stop Kaleratzeak plataformako bi kidek, Kutxabankek gauzatutako hipoteka-zorren salmentak kaltetutako bi pertsonarekin batera, hitza hartu zuten asteartean Eusko Jaurlaritzako Lurralde Plangintza, Etxebizitza eta Garraio Sailaren aurrean. Helburua: Kutxabankek egindako salmenta eta haren eragina salatzea, eta Eusko Jaurlaritzari eskakizunak helaraztea.
Uztailean 2.500 hipoteka-mailegu saldu zizkion Kutxabankek Zima Finances inbertsio-funtsari, 250 milioi euroren truke. Bankuak "toxiko" gisa kalifikatutako zorrak ziren, hala deitzen baitzaie bankuaren begietara osorik kobratuak izateko probabilitate murritza duten zorrei. Hala, zorrari aurre egin ezinik zebiltzan hainbat familiaren maileguak gainetik kendu ditu Kutxabankek, horiek bezeroen zorra baino merkeago salduz funts putreari. Hala azaldu zuen Stop Kaleratzeak plataformak urrian, salmentaren berri izan eta gutxira: "Banku guztiak ari dira zor berankorrak funts putreei saltzen, bezeroen zorraren oso azpitik dagoen prezioan. Baina Espainiako Auzitegi Gorenaren 728/2020 epaiak zordunei eragozten die beren zorra erostea funts putreari saldua izan zaion prezio irri-egingarrian. Hala, bada, bankuek eta funts putreek irabazten dute, eta hipotekatutako jendeak galtzen du". Izan ere, behin maileguak funts putreen eskuetara pasata, etxegabetze-demandak aurkezteko eta familia kalteberak kalean uzteko aukerak areagotzen dira, bankuen kasuan ez bezala, Bankuen Praktika Onen Kodea ez delako funts putreei aplikagarria.
Kutxabanken salmentak 2.500 zorduni eragin die, eta horien artean daude EAEko hainbat familia. Horregatik, plataformak bi eskakizun zuzen egin dizkio Jaurlaritzari: familia horien zaurgarritasun egoeraren aurrean duen erantzukizunaz ohartarazteko azarotik aurrera Kutxabankeko zuzendari izango den Anton Arriola Bonetari, batetik; eta bestetik, 2015eko Etxebizitza Legea beteaz, etxegabetuak izateko arriskuan egotera pasako diren familiei alternatibak eskaintzea, etxebizitza parke publikoa baliatuz.
Ohartarazi dutenez, gainera, Kutxabank eta beste zenbait bankuk beste hipoteka-mailegu sorta bat saltzeko asmoa dute Lezama Proiektua deiturikoaren bidez, eta horrek zaurgarritasun egoerara bultzatuko lituzke beste hainbeste familia.
Lezama Proiektuak, Kutxabankek urrian gauzatutako salmentak nola, hainbat hipoteka-mailegu sorta berean salduko lituzke. Hipoteka-maileguak sortaka saltzeak maizterrei eroslehentasun-eskubidea eta atzera-eskuratzeko eskubideaz ukatzen die, Espainiako Auzitegi Gorenaren epai batean oinarrituta. Maniobra garbi azaltzen du Kaleratzerik Ez plataformako Rosa Garcíak Jaurlaritzan egindako hitzartzearen zati bat jasotzen duen bideo honetan:
Hoy al mediodía, nuestras compas Rosa y Salva, junto con dos afectadas, ha explicado en el Parlamento Vasco lo que supone la venta de hipotecas por Kutxabank al fondo buitre Zima finances.
¡Es inadmisible! pic.twitter.com/9tyesbumOk
— Kaleratzeak STOP Desahucios Donostia (@STOPdonostia) November 15, 2022
https://twitter.com/STOPdonostia/status/1592588192397819905?s=20&t=vtMvZhDtaIk2srh1dzjAf
https://twitter.com/STOPdonostia/status/1592588192397819905?s=20&t=vtMvZhDtaIk2srh1dzjA2008ko higiezinen-burbuilaren eztandaren parekorik gerta ez dadin, eta eztanda hark eragindako albo-kalteak berriz ez pairatzeko, Espainiako Kongresuan ordezkaritza duten alderdiei eskatu die Bankuen Praktika Onen Kodea modu zabalagoan aplikatzeko neurriak bultzatzea, funts putreei ere Bankuen Praktika Onen Kodea betearaztea exijitzeko.
Donostiar gehiago Azora funts putreak etxegabetzeko arriskuan
Herritarren etxebizitzak funts putreen eskuetara pasatzeak dakarrenaren adierazle da Azora Donostian egiten ari dena. Vascongada higiezinen-agentzia erosi ondotik, Azora funts putreak burofaxak helarazi die hainbat maizterri, alokairu kontratuaren akaberaren berri emanez. 2020an erositako etxebizitzetako maizterren kontratuak eta baldintzak mantentzea adostu zuten arren Eneko Goia alkatearekin, emandako hitza hautsi du Azorak: azaroaren 3an Groseko zortzi bizilaguni burofaxa helarazi zien kontratuen akaberaz ohartaraziz, eta Inquilinos Azora eta Stop Kazeratzeak plataformak berriki salatu dutenez, ordutik igo egin da Azoraren burofaxa jaso duten Groseko auzokideen kopurua.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]