Kutxabank fusionatua izatea ez du baztertu Villalabeitiak
Euskal finantza entitate nagusiaren presidenteak azaldu du horri buruzko hausnarketa egiten ari direla Kutxabank barruan.
ADEGI Gipuzkoako enpresarien elkarteak asteazkenean antolatutako hitzaldi batean Gregorio Villalabeitia Kutxabankeko presidenteak euskal finantza entitate nagusiaren etorkizunaren inguruko gako batzuk eman ditu.
Galdera-erantzunen txandan Kutxabank fusio edo erosketa prozesuetan sartzeko aukeraz galdetu diote: “Ez dut ezer baztertzen” erantzun du. Bere ustez, Espainiako finantza merkatuan bankuen kontzentrazio prozesu sakon bat egin bada ere, oraindik fusio gehiago etor daitezke. “Guri tamainak kezka sortzen digu, eta epe erdira kezka sortuko digu –esan du Villalabeitiak–, baina edozein kasutan, beharrezkoa ikusten dugunean fusionatu edo erosiko dugu”.
Kutxabanken presidenteak jakinarazi du antolaketa estrategikoaren arloan hausnarketa egiten ari direla horretaz guztiaz, baina “errentagarritasunaren erronkaren” ondoren izango dela hori, langile murrizketa planari erreferentzia eginez.
Banku publikoan ez duela “sinesten” ere aitortu du Villalabeitiak, eta burtsara irteteko erabakia Kutxabanken jabe diren banku-fundazioen esku utzi du.
Txiki Muñoz: “Kutxabank burtsara jo eta pribatizatu egingo da”
ELAko idazkari nagusi Txiki Muñozek Radio Euskadirekin urriaren 27an izandako elkarrizketan Kutxabanken pribatizazio prozesuaz hitz egin zuen aho bilorik gabe eta sindikatuak dituen informazioen berri eman zuen: “Irakurtzen dituzu Kutxabankek emandako paperak, eta burtsara irtengo da, interpelatu dugun alderdi bateko buruzagiek ere gauza bera esan digute”, esan zuen.
Muñozek Euskaltelek burtsara ateratzeko operazioarekin lotu eta parekatu zuen Kutxabankena: “Nik segurtatzen dizut burtsara joko duela eta pribatizatu egingo dela”, erantzun zion esatariari sindikalistak.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]
Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.
Sindikatuek salatu dute gero eta langile gutxiago daudela, presio komertziala handitu dela, eta Kutxabank "talentu handiko" langileak galtzen ari dela baldintza ekonomikoak okertu direlako.
Galdakaon 67 urteko pentsiodun bat eta emakume bat bere hiru seme-alabekin etxetik botatzeko prozedurak abian dituzte. Arduradunak Kutxabank eta Santander Bankua dira putre funtsekin elkarlanean. Astelehenean egindako prentsaurrekoan Etxebizitza Sindikatuak salatu du... [+]
Kutxabankek 2.500 zor "toxiko" saldu dizkio Irlandako Zima Finances funts putreari, eta salerosketak EAEko hainbat familia kaltetu ditu; putre-funtsak demandak aurkez ditzake, eta etxegabetze prozesuak abiatu. Stop Kaleratzeak plataformak zazpi kasu identifikatu ditu... [+]
Belen Bilbao mediku eta militante feministaren, Argitan Emakumeentzako Aholku Etxearen eta Skolastika literatur proiektuaren ibilbidea aitortuko dute VII. Zirgari Sariek. Martxoaren 7an egingo da sari banaketa, Bilboko BBK Aretoan.
Hiru erreferentzia gune garrantzitsu dira Gipuzkoan eta, fundazioak jakinarazi duenez, haietan egiten diren jarduerak Donostiako Tabakaleran dagoeneko duten 5.600 metro koadroko espaziora eramango dituzte. 2001ean ireki zen Zientzia Museoa 2023an itxiko da.
Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]
Kaleratzeak Stop plataformak salatu duenez, Kutxabank banketxeak Egiako bi bizilagun kaleratu nahi ditu: 76 urteko Rosario eta bere semea, 51 urtekoa; biek ala biek ezintasuna dute, %54koa amak eta %70ekoa semeak.
Iturbe Kutxa enpresa gipuzkoarreko lehendakaria zen, Kutxabank pribatizatu zenean. Finantza zuzendaria izan da Euskaltelen, eta azken urteetan Kutxabankeko presidenteorde lanetan aritu da.