Martxoaren 20an Argentinatik abiatuko eta maiatzaren 30ean helduko da Segurara, bi hilabetez Euskal Herria zeharkaturik eta diaspora juntaturik. Iparra-Hegoa elkarteak antolatu du ekimena, koronabirusak eragindako egoerarengatik sentitu "galera sentimentalak" doi bat estaltzeko asmoz.
"Euskara, euskal kultura eta gure herri nortasunaren adierazle diren hainbat besta eta ekimen ezeztatuak izan dira, edo modu mugatuan egin behar izan dira. Ikasturte honetan aurreikusiak genituen: Korrika, Herri Urrats, Durangoko azoka, Iparra-hegoa, Nafarroaren eguna... Besta hauek bertan behera geratzearekin galera ekonomikoak aipatu izan dira, eta maleruski galera horiek azkar sentituko ditugu mugimendu euskaltzaleetan eta herrigintzan. Eta nola neurtzen ditugu galera 'sentimentalak'? Euskal nortasuna, euskararekiko atxikimendua eta herri izatearen kontzientzia, pizten, errotzen, edo sendotzen dira hitzordu hauetan". Galera 'sentimental' hauei begira jarriko dira Kutxa Birarekin: herriz herri pasa eta euskalgintzako, kulturgintzako zein herrigintzako eragileen ametsak zein helburuak kutxan batuko dituzte, kolektiboaren indarra ere azpimarratuz. Jendea mugitu ordez, kutxa mugituko da herriz herri, eta, horren bitartez, Euskal Herriko itzulia egitea lortu nahi dute. Tartean, Amets Arzallus bertsolariaren Hitza da gure lurra testua ere egonen da.
Martxoaren 20an Argentinako Viedmatik abiatu eta maiatzaren 30ean helduko da Segurara. "Segurako ekitaldian kutxa ireki eta biran zehar kutxan sartutako amets guztien agerraldia eginen litzateke. Amesten dugun Euskal Herriarena hain zuzen ere".
Parte hartu nahi duen orok, otsailaren 21era arte izanen du ekimenean parte hartzeko izena emateko aukera. Herri batean elkarte bat baino gehiago egonen balira parte hartu nahiarekin, haien artean adostuko lukete guztien aldarria kutxan sartzeko bidea. Konkretuki, testu labur baten bidez adierazi beharko da eragile bakoitzaren ametsa, eta herriz herri aldi oro grabatuko dute unea antolatzaileek, herritik kanpo ere horren berri emateko asmoz.
Edozein ikastetxe, elkarte, udaletxe eta eragileek parte hartzen ahalko du ekimenean. "Beti ere Iparra-hegoak mugitzen duen filosofia eta irizpideak partekatzen dituzten elkarteak: euskara, lurraldetasuna, eta herri bat gara. Printzipio hauekin bat egiten duen orori irekiko zaio ekimenean parte hartzeko aukera", Iparra Hegoa elkartekoen hitzetan.
Ekitaldia eta gainontzeko lanak elkarlanean eraman nahi dituzte antolatzaileek, herriz-herri antolatuz herrikoa.
Segurako eta Ipar Euskal Herriko hainbat eragilek osatzen dute Iparra Hegoa elkartea.
Udalerri euskaldunen nortasuna egokien islatzen duena euskara dela nabarmendu du mankomunitateak eta bisitariek zein bisitariekin harremana duten zerbitzu sektoreko arduradun eta langileen konpromisoa eskatu du. Kanpaina ekainaren 8tik irailaren erdialdera arte egingo da.
Euskararen egoera soziolinguistikoa aztertu, eta Kultur Erakundeko lehendakaria eta Eusko Batasuna alderdiko kide izan zen. Astelehenean zendu zen 96 urterekin.
Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.
Gasteiz Antzokia "lehenbailehen" martxan jartzeko eskatu dio udalari Gasteiz Antzokiaren Aldeko Plataformak, eta Lazarraga elkartearentzat zein euskalgintzarentzat "errespetua" galdegin dute.
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.