Kurduen SDF Siriako estatu instituzio bilakatzeko hitzarmena sinatu dute gobernuarekin
SDF kurduek gidatutako koalizioak eta Siriako Gobernuak su-etena adostu dute. SDFk Siria ekialdeko eta ipar-ekialdeko eremu zabala kontrolatzen du egun, eta hitzarmenak jaso duenez, gobernuaren esku geratuko da orain.
Siriako kurduen menpe zeuden instituzioak estatu egiturara integratzea sinatu dute SDFk eta behin-behineko gobernuak; su-etena ere adostu dute eta SDFk Al-Assaden jarraitzaileen aurkako borroketan lagundu beharko dio gobernuari. Egun Siriako Gobernuaren lehendakaria den Ahmed al-Xaraak eta SDF koalizioko komandante Mazlum Abdik sinatu dute hitzarmena, astelehenean.
Batik bat miliziano kurduz osatutako SDFk Siria ekialdeko eta ipar-ekialdeko lurralde zabala du bere kontrolpean; hitzarmenaren ondorioz, beraz, zonalde hori gobernuaren kontrolpean geratuko da, bertako "instituzio zibil eta militar guztiak" estatuaren parte bilakatuko baitira, Al Jazeerak jakinarazi duenez. Baita bertan kokatzen diren muga postuak, aireportua, eta petrolio eta gas hobiak ere. Trukean, Siriako herritar guztiek aukera izango dute prozesu politikoetan parte hartzeko, haien "erlijioa eta etnia edozein izanda ere"; akordioan jasota utzi dute kurduek Siriako hiritartasun eskubidea dutela eta estatuak bermatuko dizkiela eskubide konstituzionalak.
SDFk, halaber, gobernuarekiko bere konpromisoa berretsi du "Al-Assaden erregimenaren hondarren aurkako borrokan" eta "baita herrialdeko batasunarentzako eta osotasunarentzako mehatxu izan daitekeen edozeren kontra" Berriak zehaztu duenez. SDFko komandante Abdikek sare sozialetan egin dituen adierazpenetan esan du akordioak "Siria berri bat" eraikitzeko oinarria sortuko duela. Bestalde, herrialdeko gatazkaren ondorioz desplazatutako siriar guztiak bertara itzuli ahal izatea ere adostu dute bi aldeek.
Akordioak AEBen bitartekaritzarekin egin dutela azaldu du SDFren bozeramaile Farhad Shamik, eta jakinarazi du "ados jarri izanak ez duela esan nahi gobernuaren indarrak haien esku dagoen lurralde eremuan sartuko direnik, nahiz eta mugen kontrolaz arduratu". "Turkiak (SNA bitartez) Siriako kurduen kontra egiten dituen erasoak akordioen bidez geldiarazi beharko lituzke", gehitu duenez.
Abdullah Öcalan buruzagiak PKKri otsailaren 27an eskatu zion armak uzteko. Taldeak egin duen adierazpenean babes osoa agertu dio buruzagiari eta Öcalanek eskatutakoa betetzeko konpromisoa adierazi du.
Urteak iragan dira bere azken argazkia ikusi zenetik. 26 urte daramatza preso Abdullah Öçalanek Turkiako Imrali uhartean, "erakunde terroristako" buruzagitza egotzita. Ostegun eguerdian bere bideo bat ez, baina argazki berri bat zabaltzeko baimena eman du... [+]
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Urtebete eta hamar hilabeteko zigorra ezarri diote PKK Kurdistango Langileen Alderdiaren aldeko "propaganda2 egitea leporatuta. Canözerrek hamar urte daramatza kazetari lanetan. Tarte horretan sei bider aldiz miatu du bere etxea Turkiako Poliziak, bost aldiz atxilotu... [+]
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Bi kazetari, Hêro Bahadîn eta Gulistan Tara, eta haien txofer zihoan Rêbîn Bekir lankidea, Hewraman eskualde kurduan dokumental bat egitera zihoazen. Beren autoa misil batek jo zuen. Bekir zorteduna izan zen, autoa sutan lehertu baino lehen, inpaktuak... [+]
Sebahat Tuncel Kurdistango politikaria da, Turkiaren menpeko lurretan. Hainbatetan egon da kartzelan kurduen askapen mugimenduaren parte izateagatik, eta Turkiako Parlamenturako diputatu gisa hautatu zuten lehen presoa izan zen, 2007an. 2016an espetxeratu zuten azkenengoz eta... [+]
Helikoptero eta gerra hegazkin turkiarrek betetzen dute zerua Irak iparraldeko kurduen zonaldean. Azken asteetako operazio militar handian 381 kokaleku bonbardatu ditu Turkiako Aire Armadak Kurdistango Eskualde Autonomoan. Turkiako Defentsa Ministerioak adierazi du “talde... [+]
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]