Lehen egunetik kultur betekada Durangoko Azokan: 200 ekitaldi bost egunean
200 kultur ekitaldi baino gehiago antolatu dituzte aurtengo Durangoko Azokaren bost egunetarako: liburu eta diskoez gain, zinema, antzerkia eta bideo-jokoak ere present izango dira 52. edizio honetan.
Kulturgileek eta eragileek jarri diote aurpegia Durangoko Azokaren egitarauaren aurkezpenari, musikaz eta literaturaz gain beste zenbait alorretan ari diren norbanakoek alegia. Aurtengo Azokaren eskaintza ere askotarikoa izango da, hasi Kabi@ espazioan bideo-jokoetan aritzeko prestatu duten gamer gelatik eta ohikoagoak diren kontzertu eta liburu aurkezpenetara.
Ikus-entzunezko emanaldi berezi baten lekuko izango da Durango Azoka lehen egunean: aurtengo kartela egin duen Jose Antonio Sistiagaren Impresiones en la alta atmosfera ikusi ahal izango da Irudienean. Film horretako irudi batetik abiatu da artista 52. Azokako kartela osatzeko eta ezohiko proiekzio horrek ginda jarriko dio aurtengo afixari.
Ez da abenduaren 6ko zita bakarra izango, noski: ikus-entzunezkoetatik atera gabe, Franck Dolosorrek Estitxu musikariari buruz egin duen dokumentala ikusteko aukera ere izango da; baita Irati Gorostidik eta Arantza Santestebanek zuzendutako Euritan film laburra ere, zeina aurtengo Kimuak katalogoan hautatua izan den, zeresan franko emanez.
Liburuei dagokienez, Silvia Federiciren Caliban eta sorgina-ren aurkezpena nabarmentzen da lehenbiziko egunean, bibliografia feministan leku garrantzitsua daukan saiakera baita eta aurreneko aldiz irakurri ahal izango da euskaraz.
Diskoetan, izen handi bat estreinaldirako: Rafa Ruedak bakarkako bosgarren lana, Hiri kristalezkoa aurkeztuko du zuzenean Ahotsenean. Egun berean promesa gazte batzuk ikusteko parada ere izango da, hala nola Perlata talde arrasatearra, eszenatoki gainean duen jarrera freskoagatik dagoeneko ezagun egiten hasi dena.
Eskaintza askoz zabalagoa da noski, bai lehenbiziko egunean, bai hurrengoetan ere. Oso-osorik kontsultatu daiteke Durangoko Azokaren webgunean abenduaren 6tik 10era bitartean prestatu dutena. Guztira 200 kultur ekitaldi baino gehiago eta 400 nobedade izango dira aurten Durangon.
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako.
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]
Durangoko Azokako berrikuntzetako bat izango da ZirHika taldeak sortu duen hikalarien bilgunea. Hika hitz egitea eta ongi pasatzea izango da helburua, abenduaren 7an Landako ikastetxean.
.jpg)
Abenduaren 5ean Ikasle Goizarekin hasiko dute azoka. Hurrengo egunean Gazte Eztanda eguna egingo dute, eta gazteei zuzendutako hamaika jarduera egongo da. Egun berean, iazko Sormen Beka irabazi zuen Argizagi. Zubiak adiskidetasunerantz telesailaren aurkezpena egingo du Marramiau... [+]
Abenduaren 5etik 8ra egingo da. 59. edizioko kartela eta leloa aurkeztu dituzte asteazken goizez Landakon egin duten prentsaurrekoan: Hartzea ematea DA! izango da leloa. Kultura hauspotu beharra azpimarratu dute antolatzaileek.
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
