Kubako Soberana 02 txertoa datorren astean sartuko da proba klinikoen azken fasean
Kuba COVID-19aren kontra prestatzen ari den lau txertoetatik aurreratuena, 'Soberana 02' izenekoa, martxoaren 1ean sartuko da proba klinikoen 3. fasean, produktua merkaturatu aurretik bete beharreko azkenean. Biocubafarma dagoeneko hasi da txerto hori era masiboan ekoizten.
Efe agentziak zabaldu duenez, heldu den astelenean –martxoak 1– sartuko da Kubako 'Soberana 02' txertoa ikerketa klinikoen 3. eta azken fasean. ARGIAk bere garaian ezagutarazi zuenez, urte hasieran ekin zioten txertoaren 2. faseari eta bi hilabete behar izan dituzte ia 1.000 boluntariorengan probatuta 3.era iristeko. Proiektuan Italiatik parte hartzen duen Fabrizio Chiodo immunologoak adierazi duenez, 35 eta 85 urte arteko herritarrei ezartzeko prestatu dute txertoa, hasieran Kubako herritarrak immunizatuta gero esportatu ahal izateko.
BBC kate britainiarraren arabera, Kubako 42.600 herritarrek hartuko dute parte ikerketaren 3. fasean eta horiez gain Irango herritarrengan ere probatuko da, bi gobernuek urtarril hasieran sinatutako itunaren barruan. Mexiko ere interesatuta omen dago 'Soberana 02'-aren 3. fase honetan esku hartzeko. Azkenean, merkaturatu aurretik probatan egin beharreko txertaketarako milaka dosi asko beharko dira eta apirilerako Biocubafarma enpresa publikoak espero du milioi bat dosi ekoiztu ahal izatea.
El escalado productivo representa otro hito en la estrategia de desarrollo de las #VacunasCubanas contra la #COVID19, así lo expresó Roselyn Martínez, Vicedirectora de Operaciones Industriales del @FinlayInstituto durante el recorrido por @BIOCENCU pic.twitter.com/feWNuhmaJ9
— BioCubaFarma (@BioCubaFarma) February 20, 2021
Otsailaren 20rako Biocubafarmak lehen 150.000 dosiak osatuak zituen, Cubadebate hedabideak erakutsi duenez. Kubak badauzka horiek eta gehiago ekoizteko azpiegiturak, baina agintariek beraiek aitortzen dute AEBen bultzadaz nazioartean nozitzen duten blokeoak asko zailtzen dizkiela gauzak lortu ahal izateko 2021erako beren buruei jarritako helburua: 100 milioi txerto ekoiztea, kubatar guztiak txertatzeaz gain esportatu eta beste herritalde txiroei lagundu ahal izateko. BBC-ren arabera, Epidemietarako Prestatzeko Berrikuntzetarako Koalizioa (CEPI ingelesezko sigletan) funts filantropiko publiko-pribatuarekin harremanetan dago Kuba, hurrengo urratsen finantziazioan lagun diezaion.
Finlay institutuak garatu dituen 'Soberana 01' eta 'Soberana 02' txertoez gain, Kubako Ingeniaritza Genetiko eta Bioteknologia Zentroak beste bi gehiago lantzen ditu, urtarrilaren 18an 1. faseko proba klinikoak gainditu dituztenak,' Abdala' eta 'Mambisa' izenekoak. Balentria handia, Euskal Herriak halako lau biztanle edukita (11 milioi jende) gutxi gora behera gurea adinako Barne Produktu Gordina daukan uharte txiroarentzat: Kubaren BPG 100.000 milioi dolarrekoa zen 2018an, Iparraldea barik EAE eta Nafarroarenak batuta 90.000 milioi dolarrekoa 2016an.
Gaiaz informazio osatuagoa: "Kubatar guztiek uda aurretik hartuko dute txerto nazional eta publikoa"
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.