Kristau Eskolako eta AICE-IZEAko 5.000 irakaslek egin dute greba, ELAren arabera
Urriaren 17tik 19ra lanuztera deitu dute ELA, Steilas, CCOO, LAB eta UGT sindikatuek. "Jarraipen oso zabala" izan du lehen egunak, %70ekoa, ELAko ordezkari Miren Zubizarretak baieztatu duenez. Sindikatuek hitzarmen berri baterako negoziatzea eskatzen diete patronalei, eta emaitzarik ezean, abenduan beste bost greba egun egingo dituzte.
Araba, Bizkaia eta Gipuzkoako 200 ikastetxetako 130.000 ikasleri eragin die grebak. Kristau Eskolako eta AICE-IZEA Irakaskuntza Zentroen Elkarte Autonomoko 9.000 irakasle deitu ditu grebara gehiengo sindikalak, eta "%70 langile ingururen jarraipen oso zabala" izan du lehen egunak, ELAko ordezkari Miren Zubizarretak ziurtatu duenez. Gizarte ekimeneko itunpeko eskoletako patronalei (Ikastolen Elkarteari izan ezik) hitzarmen berri bat negoziatzeko eskatu diete ELA, Steilas, CCOO, LAB eta UGT sindikatuek.
Mobilizazioak antolatu dituzte greba egunetan, urriaren 17tik 19ra bitarte, guztiak 11:00etan hasita: asteartean Bilbon egin dute, eta Zubizarretak jakinarazi du 5.000 irakasle inguru batu direla protestara. Asteazkenean Gasteizen egingo dute manifestazioa, Egibidetik (Bilbo plaza) abiatuta, eta ostegunean Donostian, Aldapeta Maria ikastetxetik.
Apirilaren 25ean egindako greba egunak baino jarraipen zabalagoa izan du oraingoak, Zubizarretaren esanetan: "Horrek erakusten du langileriaren kezka eta arazoak errealak direla". Hitzarmen berria "lehenbailehen" egiteko eskatu die patronalei, eta Eusko Jaurlaritzari ere lan gatazka honen irtenbidean "aktiboki parte har dezala" galdegin dio, "bera baita hezkuntzako sare honetako langileen azken arduraduna ere".
Sindikatuek patronalen “immobilismoa” salatu dute, eta lanuzte hauen ostean negoziazioak berrekin ezean, beste bost greba egun deitu dituzte, abenduaren 11tik 15era. 2022ko maiatzean hasi zituzten negoziazioak, baina 2023ko otsailaren 2an egin zuten azken bilera, eta ordutik ez dute aurrerapenik egin. Pasa den apirilaren 25ean ere greba eguna izan zuten itunpeko ikastetxe hauek.
KPIaren araberako soldata igoera
Gehiengo sindikalak lan hitzarmen berri bat eskatu du, prekaritateari aurre egiteko eta hezkuntzaren kalitatea bermatzeko. Besteak beste, neurri hauek eskatzen dituzte: lan karga arintzea eta ikasle bakoitzari arreta zuzena eta egokia emateko denbora gehiago ematea, lanpostuak finkatu eta mantentzea, Lanbide Heziketako zentroetan baldintzak hobetzea, eta euskara eta berdintasun planak zentro guztietan ezartzea.
Sindikatuek nahi duten hitzarmenean KPIaren igoeraren araberako soldaten igoera eskatzen dute: “Kristau Eskolak eta AICE-IZEAk soldata izozturik mantendu dute 2020tik, eta KPI %15,8 igo da eta bizitza izugarri garestitu. Patronalek entzungor egin dute, negoziazioa da irtenbidea!”, aldarrikatu dute. Gogorarazi behar da azken hitzarmena ere lan gatazka luzearen ondoren sinatu zutela patronalekin; hiru ikasturteetan 29 greba egun izan zituzten.
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]