“Kosmetikan ere, bilgarri politetik harago, baloreek garrantzia dute egun”
Serge eta Audrey Narbais baigorritarrak daude Etxean Egina xaboi-ekoizpen proiektuaren atzean. 2015ean jarri zuen bikoteak egitasmoa martxan, eta tailerra eta denda Baigorrin dituzte egun. Hurbileko lehengaiak eta ekologikoak darabiltzate haien produktuetan; xaboiak, kremak eta baltsamoak egiten dituzte, eta inguru hurbilean saltzen. Haienez gain, filosofia berarekin ekoitzitako bestelako kosmetika produktuak ere saltzen dituzte dendan, makillajea kasu. Proiektuaz eta haien ibilbideaz gehiago jakin nahi izan dugu, eta Audrey Narbais elkarrizketatu dugu horretarako.
Nondik nora iritsi zineten xaboien mundura?
Serge kontularia da ofizioz, eta, ni estetizista. Nire autodidakta ibilbideak kosmetika natural eta begetalean espezializatzera eraman ninduen lehenik, eta geroago, saponifikazio hotzera. Lehengai gordinetatik —olio eta gurin begetalak, esentzia-olioak, erle argizaria, buztina edo aloe vera gela kasu— kosmetika egitea beti interesatu zait, amalurrak guri eskaintzeko gauzarik onenak dituela uste dudalako. Bestetik, saponifikazio hotza deskubritu nuenean erabateko konbikzioa izan nuen, hotzean egindako xaboia produktu ekologiko eta ekonomikoa delako bai ekoizpenaren aldetik eta baita erabilerarenetik ere.
Xaboiak egiteko ez duzue oliorik berotzen, beraz?
Hori da, gure fabrikazio metodoa hotzeko saponifikazioa da, gure amonek antzinan egur errautsarekin erabiltzen zuten prozedura bera. Olio eta gurin begetalak darabiltzagu xaboiak egiteko, eta hotzeko metodoarekin lehengai horien propietate natural guztiak mantentzen ditugu, ez baita sukaldatzen ezta tenperatura altuan berotzen.
Prozesu osoa zuek egiten duzue tailerrean?
Bai, tailerra eta denda ditugu Baigorrin, eta bertan egiten dugu dena. Eskala txiki eta artisauean gelditzea da gure asmoa, horrek esan nahi du eskuz egin nahi dugula lan, eta horrela egiten da gurean ia prozesu osoa, salbu makina hauek darabiltzagula: xaboiaren emultsioa egiteko irabiagailua, zenbait kosmetika produktutarako robot-irabiagailu bat eta aurpegiko krema potoak betetzeko makinatxoa. Gozotegi baten antza du gure tailerrak!
Geroz eta gehiago begiratzen al zaio kosmetika produktuetan ere bertakoari eta ekologikoari? Zer sumatu duzue urteotako ibilbidean?
Esan dezaket duela hogei urte kosmetikaren munduan hasi nintzenetik gauzak asko aldatu direla. Lehen, kosmetika konbentzionalarekiko interesa besterik ez zegoen, eta kosmetika produktuak haien etiketa edo bilgarriagatik ziren erakargarriak haien edukiagatik baino. Gaur egun, kontsumitzaileak askoz sentsibilizatuagoak daude: kalitateari eta kontsumo-etika egokia izateari ere garrantzia ematen diote, artisau txikion alde. Sumatzen dugu benetan badagoela gogoa balore eta etika batzuen arabera egindako produktuekiko.
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.